渡邊屋

營業中

休息中

九龍城有間日本日式小店叫渡邊屋， 我經常行過都見到滿座 ，因為餐廳只可以容納五個客人。今天早收工就碰下運氣真係有位。餐廳裝修得真係好有日本格調。在玻璃櫃見到好多食材都非常新鮮，我見到有個是日精選原隻楚蟹配三文魚籽，賣相非常精緻蟹肉同蟹膏非常新鮮魚籽有脆卜卜嘅口感。北海道刺身井，碗井飯賣相非常飽滿， 而且啲魚生 大大嚿而肉質新鮮，配埋有手指咁長嘅海膽， 啲海膽唔會有好多海水味和腥味。手捲方面我order左好幾種 海膽北海道帆立貝手捲， 北海道帆立貝手捲，火炙本鲔大拖手捲， 蔥粒吞拿魚腩手捲 ，各種手捲都好新鮮不過值得一讚就係有帆立貝嘅手捲，啲帆立貝肉質好嫩而且size都好大粒。配埋脆脆嘅紫菜簡直係絕配。壽司方面order咗兩款有劍魚腩壽司和黑瀨油甘魚腩壽司， 兩款壽司都比較油噴重少少，口感上都幾特別。