渡邊屋

營業中

休息中

小店只有少量座位供堂食, 可以叫外賣或預早訂位～ 食材由日本空運到港✈, 枱上亦有一塊牌寫上當日供應嘅時令刺身, 食物質素高, 夠晒新鮮！坐喺吧枱前用餐, 可以近距離睇住師傅製作壽司🍣, 感覺唔錯！🥢原條梭子魚刺身油分含量高, 外皮燒一燒逼出魚油, 肥美爽滑, 帶少少海水味, 可以沾上酸汁提升鮮味🍚霜燒魚生丼 魚生表面輕輕炙燒過, 入口有滿滿魚油香, 相當滋味😋！最愛火灸左口魚邊, 油脂豐富, 經過火炙之後, 魚油慢慢滲出, 重點係入口即溶！三文魚口感細緻, 好肥美; 帶子鮮味十足！🥢日本海膽魷魚刺身用魷魚卷住海膽, 紋甲魷魚爽口彈牙🦑, 海膽味道甘甜, 口感細膩, 成個組合創新又好夾！🍣數之子壽司、原條海鰻壽司壽司即叫即握, 數之子壽司就係用無加工嘅飛魚子配醋飯, 上面再加上木魚絲; 海鰻壽司就係使用星鰻, 係餐廳嘅招牌壽司之一！🍣北海道帶子沙律卷沙律卷上有好多蟹籽, 裏面係北海道帶子同沙律, 味道層次豐富！