影片
更多
2024-04-26
205 瀏覽
出街多數食西餐或者日本嘢，但其實最易忽略嘅粵菜先係最講師傅嘅功架，每道菜都要花好多心機先整到！🤤今次就去咁AIRSIDE一間裝修雅緻嘅高級粵菜，嚐一嚐創新與精緻嘅味道！由門口開始延伸到用餐區都佈置咗大量綠色植物🌿，有種置身於叢林嘅感覺，喺忙碌嘅一天後喘息一下！🌱餐廳4人嘅座位寬闊，食飯傾偈唔怕畀隔離聽到，私人度高，另有8人大枱，啱晒家庭聚會，🌷相信嚟緊母親節應該會好多人book枱！菜式以中式為主，亦有啲係中西 crossover，唔少都好有創意，好似桔柚黑鱈魚就用咗咕嚕肉嘅手法。🎋當中必食就係近期大熱嘅震藤藤奶凍，佢用咗石獅子嘅模，加埋黑芝麻嘅顏色，這型感十足，打卡一流！當然啦，餐廳價錢唔算好平，晚餐套餐 $698一位，但2位起計，而單點都二百至四百一道餸🍲，仲要畀茶芥，不過用料高質，加上服務都幾好，都不妨一試嘅！🫖茶芥 $28/位 + 小食$28食得粵菜自然要歎茶，呢度有8款茶葉選擇，平時較少嘅金駿眉、碧螺春和鳳凰單叢都有提供。而核桃應該有處理過，食落甜甜哋，有淡淡紅棗味，另外仲有碟蝦乾，有啲似XO醬，鮮味得嚟辣辣哋，幾特別！🦆茶燻鴨（半隻） $268茶燻鴨唔算好大隻，不過好好袋！皮
菜式以中式為主，亦有啲係中西 crossover，唔少都好有創意，好似桔柚黑鱈魚就用咗咕嚕肉嘅手法。🎋當中必食就係近期大熱嘅震藤藤奶凍，佢用咗石獅子嘅模，加埋黑芝麻嘅顏色，這型感十足，打卡一流！當然啦，餐廳價錢唔算好平，晚餐套餐 $698一位，但2位起計，而單點都二百至四百一道餸🍲，仲要畀茶芥，不過用料高質，加上服務都幾好，都不妨一試嘅！
🫖茶芥 $28/位 + 小食$28
食得粵菜自然要歎茶，呢度有8款茶葉選擇，平時較少嘅金駿眉、碧螺春和鳳凰單叢都有提供。而核桃應該有處理過，食落甜甜哋，有淡淡紅棗味，另外仲有碟蝦乾，有啲似XO醬，鮮味得嚟辣辣哋，幾特別！
🦆茶燻鴨（半隻） $268
茶燻鴨唔算好大隻，不過好好袋！皮脆肉嫩係基本，淡淡肉，而且有茶香同煙燻味，食落有啲似食豬手，肥膏嘅位都好香口，油而不膩，旁邊仲有啲烘脆咗嘅茶葉，散發回甘嘅香氣！
🐟鮮沙薑煎鱈魚腩 $288
鱈魚腩用咗沙薑雞嘅做法，炒得好香幾惹味，魚腩肉質鮮甜嫩滑，不過有一條條粗骨，食嘅時候要小心！
🐟香煎花膠扒半三色藜麥 $298
香煎花膠扒好似西餐咁香煎，上面搞咗層醬汁，甜甜哋幾彈牙，墊底有三色嘅蔬菜同藜麥，似足新興嘅椰菜花飯，仲好courful！
🦀皇帝蟹脆米泡飯 $238
泡飯嘅外表平凡，無咩蟹蓋蟹腳做點綴，但一食就知佢深藏不露！奶白嘅魚湯有勁多皇帝蟹肉，仲有瑤柱、肉碎同菜粒，鮮味十足，加埋脆米同飯，口感豐富，我都食咗兩大碗！
🦁石獅黑芝麻糕 $68
可愛可獅造型震藤藤超治癒，奶凍嘅口感，滑嘟嘟又有濃郁芝麻香，打卡食用兩兼偏！
張貼
