影片
更多
2023-12-21
412 瀏覽
一個月內食兩次睇清真面目😡10月中某星期六晚去九龍城打邊爐、好多間都爆晒、無意間見到呢間有位、即上OpenRice睇食評、見到好多好好評價、仲要無限時、即入去食啦！當晚同屋企人三個人食左都好豐富、好滿足、服務態度超好、埋單$1500、仲即時寫左評價紙話一定會再去、走時有位侍應聽到我話鍾意唱K、佢就介紹我地話呢到有房間係可以打邊爐+唱K、如果4人以上平均每人$500、仲話好抵！過兩日就相約咗幾個朋友決定11月頭再去唱K打邊爐、當時用WhatsApp同對方聯絡訂位、職員聽到我話5位就話最低消費係$3000、我就同佢講‘’前日你同事講$500人頭咋喎、佢就即刻話‘’係啱啱決定、不過見你熟客俾返$500人頭你啦‘’、然後我再問‘’見你地好似只有啤酒、如果我哋帶酒會否收開瓶費‘’？職員答收$100支、我就話‘’可唔可以free‘’？佢就話‘’睇你哋當時食嘢嘅情況啦‘’。到咗當日我哋一行五人開開心心去唱K打邊爐、order嘅時候、職員三次入嚟介紹海鮮套餐、刺身、因為我之前已經試過、覺得不外如是、所以我哋冇點佢介紹嘅海鮮套餐、但有散叫其他海鮮、但原來呢一刻可能已經引起佢哋既不滿、主要招呼K房叫阿燕既
10月中某星期六晚去九龍城打邊爐、好多間都爆晒、無意間見到呢間有位、即上OpenRice睇食評、見到好多好好評價、仲要無限時、即入去食啦！當晚同屋企人三個人食左都好豐富、好滿足、服務態度超好、埋單$1500、仲即時寫左評價紙話一定會再去、走時有位侍應聽到我話鍾意唱K、佢就介紹我地話呢到有房間係可以打邊爐+唱K、如果4人以上平均每人$500、仲話好抵！
過兩日就相約咗幾個朋友決定11月頭再去唱K打邊爐、當時用WhatsApp同對方聯絡訂位、職員聽到我話5位就話最低消費係$3000、我就同佢講‘’前日你同事講$500人頭咋喎、佢就即刻話‘’係啱啱決定、不過見你熟客俾返$500人頭你啦‘’、然後我再問‘’見你地好似只有啤酒、如果我哋帶酒會否收開瓶費‘’？職員答收$100支、我就話‘’可唔可以free‘’？佢就話‘’睇你哋當時食嘢嘅情況啦‘’。
到咗當日我哋一行五人開開心心去唱K打邊爐、order嘅時候、職員三次入嚟介紹海鮮套餐、刺身、因為我之前已經試過、覺得不外如是、所以我哋冇點佢介紹嘅海鮮套餐、但有散叫其他海鮮、但原來呢一刻可能已經引起佢哋既不滿、主要招呼K房叫阿燕既職員、之後態度360度大轉變、不停俾說話我哋聽！本身K房係可以玩到零晨2點、但佢1點嘅時候走入嚟話已經深夜、叫我哋細聲啲、然後二話不說將我哋個喇叭較細、我轉頭出大廳睇、當時有另一班人唱緊K、佢哋個聲浪都係開到最大、然後我再走出大廈睇、大廈外面根本聽唔到、我再返入房目測佢有基本嘅隔音、所以我冇理照開返最大、（要補充返佢哋本身個喇叭唔算大聲、較到最大都係正常卡拉OK17、8度左右既聲浪）
跟住阿燕姐攞咗張單入嚟叫我哋埋單、我哋問‘’唔係可以玩到兩點咩‘’？佢就話‘’而家都點幾啦‘’、我哋話想再叫多兩支啤酒、然後叫佢加單、佢就話‘‘你哋要兩點前飲晒佢’’😤、同時我地見到張單開瓶費收$200一支、我哋就問佢‘’開瓶費唔係收$100咩’‘？佢答’‘你哋係1.8 L、1.8L要收$200’’、跟住朋友問佢‘’可唔可以free呀？你地又話睇情況嘅‘’？阿燕姐就答咗一句‘’‘你哋永遠都食唔起‘’’！！！🤬🤬呢一刻我真係好嬲！！我同佢講‘’你同事係講一支收$100！佢冇講720定1.8！你哋想收幾錢都可以！不過麻煩講清楚！‘’跟住佢話要問吓先、當然最後都係收返$100/1支。
最後我想講！如果你哋唔想做幾佰蚊人頭消費！唔該講清楚！幾錢都無問題！願者上釣、明買明賣！！
千祈唔好諗住低消費吸引顧客！但又攪小動作！呢種生意手法永遠唔會成功！！
完！！！
張貼