隆姐泰國美食館

營業中

休息中

因爲要去九龍城買電單車頭盔，所以今日當然不會錯過去食泰國菜的機會啦！行左一段時間，終於決定去一間叫隆姐泰國美食館食泰菜。因為早食晚餐的關係，那時坐位可以任選而坐！而今晚所點的分別是紅咖哩配豬肉，當然亦另加了蒜蓉包去配襯啦。還有食泰菜一定必叫的是生蝦刺身，最後炒多個飛天通菜，兩個人剛剛好呢！紅咖哩配豬肉味道比較鹹亦不夠辣，豬肉亦相對較少。反而蒜蓉包做得不錯，剛上台時還是熱辣辣的狀態，配襯上咖哩食用後令到平平無奇的咖哩都加了不少分。而生蝦賣相比較得意，是用外賣盒裝盛的，估計應該可以供外賣吧，食用生蝦時醬料比較緊要，但這個醬料比較平平無奇，有點失望。至於飛天通菜與其他泰菜餐廳有點不同，而這裡的口味比較清淡，不是我個人喜歡的口味。最後因爲蒜蓉包太好味的關係，又再叫多了一盤呢！