泰傳奇 (已結業)

印象中九展以前真係冇咩嘢食，今日喺九展行嘅時候發現原來二樓都新開左好多餐廳。見到呢間泰國餐廳，望一望門口嘅餐牌，發現都幾抵食喎。海南雞飯 ($65)上枱嘅時候見到大大份嘅油飯，同埋數量唔少嘅雞。海南雞嘅部位都相當之嫩滑，咬落係好軟林，配埋姜戎同辣椒醬真係一流。而且油飯都相當之香，成個飯都幾好食。香葉肉碎蛋飯 ($60)呢個可以話係色香味俱全，聞到好香嘅香葉味，同埋色澤都唔錯，辣辣地好惹味呀，送飯一流！總括兩個餐都係又抵食又好味。跟餐包紙包飲品，我同友人想再泰國風味啲就加$8轉咗特飲，分別係珍多冰同三色冰，兩款都好重椰香味，唔算太甜，推介。