茶救星球蔬果茶

營業中

休息中

最近真係好熱，又好曬，出嚟行街都多咗飲手搖飲品。最近去咗旺角行街，我朋友話呢一間茶救星球喺內地好出名🤔，見到都排晒長龍 (雖然大部份都係遊客)，不過都想試吓係咪好飲。附近幾間茶飲店都冇佢咁多人流🫢🫢嗌咗草莓冰檸 $32價錢都合理嘅👌🏻，而家求其飲杯嘢都係咁上下價錢。味道來講唔可以話特別驚艷，覺得都係正常一杯生果冰茶嘅味道啦，都好消暑好夠凍。不過覺得幾有趣嘅係佢每杯飲品上面都有一隻麻雀仔🀄️，我朋友話要飲到儲齊一副麻雀🤣呢個營銷手法都幾唔錯喎，等啲人都可以嚟飲多幾次。