影片
更多
2008-06-08
5 瀏覽
當時6 點幾, 可能因為之前黑雨, 落雨就冇乜人去啦, 得一枱客. 原先幫我o地落單o既應該就係唯一o既伙計, 問佢各樣咖哩有乜o野唔同, 佢都好似唔係好答得出, 到老闆出黎就叫佢介紹下啦, o係佢介紹下就叫左:1. 阿根廷咖哩牛柳 ($80) : 牛柳好淋, 食得出唔係用鬆肉粉 la 到咁, 咖哩膽都好香, 我o地叫左少辣, 我就覺得唔辣但係香, 好味. 2. 印度皇室咖哩雞 ($80) : 都係咖哩膽香同好有香料味, 雞就乾左d , 有d 難咬開.3. 雞湯椰菜 ($35) : 我食到有d 油味, 問朋友, 朋友話其實係雞油味, 個菜可以煮耐些少, 有d 硬, 但都煮得甜o既.兩個咖哩都係乾咖哩, 老闆話乾咖哩好食d 喎, 同埋佢會有飯 or naan 跟, 仲有一碗咖哩汁, 老闆娘仲叫我o地唔好同果d 靚咖哩撈埋一齊食 tim, 其實 $80 o個兩個乾咖哩面果d 乾咖哩碎先至係精髓, 好食好多. 可能當日老闆同老闆娘心情好喇, 我又唔覺得佢o地服務差喎, 又可能當時仲未多人坐, 佢o地得閒d 啦, 我仲聽到老闆娘同我後面果枱人講笑 tim, 而老闆又有同我o地傾計.ps. 本來
1. 阿根廷咖哩牛柳 ($80) : 牛柳好淋, 食得出唔係用鬆肉粉 la 到咁, 咖哩膽都好香, 我o地叫左少辣, 我就覺得唔辣但係香, 好味.
2. 印度皇室咖哩雞 ($80) : 都係咖哩膽香同好有香料味, 雞就乾左d , 有d 難咬開.
3. 雞湯椰菜 ($35) : 我食到有d 油味, 問朋友, 朋友話其實係雞油味, 個菜可以煮耐些少, 有d 硬, 但都煮得甜o既.
兩個咖哩都係乾咖哩, 老闆話乾咖哩好食d 喎, 同埋佢會有飯 or naan 跟, 仲有一碗咖哩汁, 老闆娘仲叫我o地唔好同果d 靚咖哩撈埋一齊食 tim, 其實 $80 o個兩個乾咖哩面果d 乾咖哩碎先至係精髓, 好食好多.
可能當日老闆同老闆娘心情好喇, 我又唔覺得佢o地服務差喎, 又可能當時仲未多人坐, 佢o地得閒d 啦, 我仲聽到老闆娘同我後面果枱人講笑 tim, 而老闆又有同我o地傾計.
ps. 本來係有影到相o既, 但而家先至發覺冇 usb link, 過唔到電話d 相入電腦度..... 真係失察.
張貼