影片
更多
2022-07-09
22 瀏覽
📍𝐁𝐨𝐨𝐧 【乾花打卡cafe🌾 驚喜工廈親民法日fusion菜】八號風球落波後出街覓食，估唔到呢間靚靚樓上cafe竟然仲有營業，非常敬業樂業，拯救咗我呢個飢寒交迫嘅晚上。呢間工廈cafe主打法日fusion菜，揉合咗經典同埋創新元素，菜式新穎有驚喜。店內擺放咗唔少乾花擺設，裝飾到成個小花園咁，店主希望喺觀塘呢個繁忙地區為顧客提供一個舒適小綠洲，俾大家一作喘息～➤ 明太子醬薯條 ($48)薯條山超級大份‼️呢個份量至少夠3-4個人share，呢個價錢有呢個portion真係好抵食～ 薯條炸得香脆，就算擺耐咗都仲保持到口感。明太子醬淋滿薯條表面，鹹鹹香香，好濃好惹味👅➤ 醬油漬三文魚 配 薯蓉·青醬海鮮汁 ($178)將以甜醬油醃製過嘅刺身三文魚柳煎封，外皮煎得非常香脆，但裡面嘅肉質依然保持到非常嫩滑，生熟程度控制得啱啱好。甜甜嘅醬油混合三文魚油香，配上提鮮嘅青醬汁，絕對令人回味無窮。配料亦絕唔馬虎，薯蓉細滑creamy，燴煮過嘅菇菜粒非常入味，而且口感十足。➤ 虎蝦海膽醬意粉 ($128)每條意粉都沾滿咗以日本海膽製作而成海膽醬，食落濃郁惹味，鮮味十足，不過食唔慣呢隻鮮味嘅朋友可能會覺得
【乾花打卡cafe🌾 驚喜工廈親民法日fusion菜】
八號風球落波後出街覓食，估唔到呢間靚靚樓上cafe竟然仲有營業，非常敬業樂業，拯救咗我呢個飢寒交迫嘅晚上。呢間工廈cafe主打法日fusion菜，揉合咗經典同埋創新元素，菜式新穎有驚喜。店內擺放咗唔少乾花擺設，裝飾到成個小花園咁，店主希望喺觀塘呢個繁忙地區為顧客提供一個舒適小綠洲，俾大家一作喘息～
➤ 明太子醬薯條 ($48)
薯條山超級大份‼️呢個份量至少夠3-4個人share，呢個價錢有呢個portion真係好抵食～ 薯條炸得香脆，就算擺耐咗都仲保持到口感。明太子醬淋滿薯條表面，鹹鹹香香，好濃好惹味👅
➤ 醬油漬三文魚 配 薯蓉·青醬海鮮汁 ($178)
將以甜醬油醃製過嘅刺身三文魚柳煎封，外皮煎得非常香脆，但裡面嘅肉質依然保持到非常嫩滑，生熟程度控制得啱啱好。甜甜嘅醬油混合三文魚油香，配上提鮮嘅青醬汁，絕對令人回味無窮。配料亦絕唔馬虎，薯蓉細滑creamy，燴煮過嘅菇菜粒非常入味，而且口感十足。
➤ 虎蝦海膽醬意粉 ($128)
每條意粉都沾滿咗以日本海膽製作而成海膽醬，食落濃郁惹味，鮮味十足，不過食唔慣呢隻鮮味嘅朋友可能會覺得有啲腥～意粉煮得軟硬適中，口感幾al dante。蝦肉質地尚可，食落有少少霉，如果爽口彈牙啲會更好。
➤ 沖繩黑糖咖啡 ($48)
黑糖獨特嘅甜味同香醇嘅咖啡幾match! 味道香濃之餘，入口仲帶有甘蔗嘅甜香。而且用黑糖黎代替精製糖仲健康啲架☕️
➤ 芒果乳酪smoothie ($58)
飲落有種以為自己食落原隻芒果嘅感覺🥭 飲落出落咗好多芒果肉打成，用料十足，啖啖都飲到芒果肉。沙冰texture非常透心涼，酸酸甜甜非常消暑😽 夏日必飲！
➤ 焦糖燉蛋千層窩夫酥 配 雲尼拿gelato ($68 + $20)
Croffle即叫叫製，熱辣辣非常酥脆，焦糖燉蛋醬微甜帶蛋香，仲灑咗啲焦糖爆谷係面提升口感，配埋一球凍冰冰嘅gelato，冷熱交溶嘅口感令人好滿足(◍˃̶ᗜ˂̶◍)ﾉ"
張貼
