黑鉄屋 (已結業)

約咗電子神童傍晚時份玩新車，收工見有少少餓，行返屋企途中就停咗喺區內一家拉麵店「黑鉄屋」度食咗個下午茶 。雖然店子內外都用上黑鐵、黑柱、黑地板、及黑木枱櫈裝潢，但其樓底高o既格局卻又光猛企理 。大堂除咗有多張合拼式散座，近廚房位亦有一列高櫈吧位。店內最當眼o既一邊牆身道出拉麵小史，重點用上特大及粗線字體寫出，簡單得黎其實都幾有效，尤其是喺對小肥依啲咁冇學識o既人黎講 。門身及牆上亦貼有麵店o既廣告海報。角落頭位置有座銀黑色o既武士盔甲，莫非店主就係黑鉄武士 ？！每位客人面前都有張拉麵紙同紅筆一枝，服務生提示點選款式時可以桌上o既彩圖餐牌作參考。除咗拉麵之外，餐店亦有供應一系列o既熱食小點。串燒及炭燒菜式更可揀選拼盤。餐具全為自助式。 金兵衛（$88）：小肥其實原本叫咗個「赤兵衛」，不過因為當日冇貨，所以就是但轉咗個威猛啲o既「金兵衛」 。拉麵屬辣味湯底，幸好其香辣o既調味隱藏喺橙紅色o既醬油球體內，即辣度可自由調節，只係食得少辣o既XO仔都完全冇問題。奶白色o既豬骨湯底味道濃得黎唔會過咸，不過個人就覺得唔係幾夠熱；碗內兩片半肥瘦叉燒軟腍潤滑；而黃色o既幼麵條都好夠韌度；最當