沙龍餐廳 (已結業)

由於住近樂富吉之島，我同老公都會經常去沙龍餐廳食飯，一來方便，二來通常都唔駛等位。好食推介︰1. 韓式牛肉石頭鍋飯- 如果怕辣既(好似我咁)可以將泡菜揀走先落汁，通常我都要多一個汁，會好味D。落左汁之後要盡快攪，如果唔係就會有飯焦。個鍋好熱，牛肉同埋D汁好好味，雖然係好大碗，但係我一個女仔都可以食得哂。2. 蒙古烤牛肉定食- 上菜時會有爐keep住D牛肉熱，加埋D醬汁如墊牛肉下面既椰菜，真係好味。3. 白汁焗海鮮長通粉- 雖然係細碟，但係即叫即焗，上檯時勁熱，海鮮有青口、魚柳、魷魚，熱辣辣既長通粉好正，細細碟哂女仔食。4. 吉烈豬柳定食- 老公至愛，豬柳唔乾，配醬汁撈飯食超正，以前有芝麻俾你自己磨仲好玩。比起POKKA CAFE(位少、要等位、裝修完D裝飾好似仲差過以前)，沙龍價錢比較平D。雖然款式比較少，但樣樣都可以保持水準，而且服務態度好(門口Receptionist除外)，會主動問你有咩需要同加水，所以我地通常都去沙龍食。