影片
更多
2023-05-28
319 瀏覽
餐廳：鮨鎧 (尖沙咀)地址：尖沙咀寶勒巷27號東匯商業大廈地舖尖沙咀呢間Omakase日本餐廳——鮨鎧 @sushiyoroi 開店一週年喇🎊，除咗做緊2人同行1人半價嘅優惠之外，由即日起去到21/6仲送每位客人雅致特飲一杯同埋拖羅壽司一份😍，趁住啱啱過咗去嘅母親節同即將嚟緊嘅父親節，帶埋爸爸媽媽嚟食Omakase就最啱👨👩👧👦一週年迎嚟新嘅Menu，連同新裝修、新加盟師傅同新菜式，為一眾食客帶嚟全新嘅新鮮感同驚喜🎉，餐廳仲經常爆滿，想食嘅話就要記得早啲book位😎，而今日幫我炮製成餐菜式嘅煇師傅仲夠晒風趣幽默，台風十足嘅佢為成餐Omakase帶嚟唔少色彩🌈午市Omakase有「鮨」$480/「蕾」$580/「鎧」$780三款選擇，我就揀咗最貴嘅「鎧」(其實呢個價錢食到咁高質嘅Omakase都唔算貴🤣)。「鎧」呢個Menu包括前菜、日式蒸蛋、刺身5款、日本料理1款、壽司7款、湯同甜品，話慢唔慢，話快唔快，大概2個鐘鬆少少就享受晒成餐Omakase🇯🇵✝️沖繩水雲啱啱去完沖繩，話咁快又見返嚟自日本沖繩嘅海髮菜——水雲，加上醋汁同象拔蚌，入口爽滑、酸香開胃😋✝️茶碗蒸蒸蛋當中加入咗三文魚
地址：尖沙咀寶勒巷27號東匯商業大廈地舖
尖沙咀呢間Omakase日本餐廳——鮨鎧 @sushiyoroi 開店一週年喇🎊，除咗做緊2人同行1人半價嘅優惠之外，由即日起去到21/6仲送每位客人雅致特飲一杯同埋拖羅壽司一份😍，趁住啱啱過咗去嘅母親節同即將嚟緊嘅父親節，帶埋爸爸媽媽嚟食Omakase就最啱👨👩👧👦
一週年迎嚟新嘅Menu，連同新裝修、新加盟師傅同新菜式，為一眾食客帶嚟全新嘅新鮮感同驚喜🎉，餐廳仲經常爆滿，想食嘅話就要記得早啲book位😎，而今日幫我炮製成餐菜式嘅煇師傅仲夠晒風趣幽默，台風十足嘅佢為成餐Omakase帶嚟唔少色彩🌈
午市Omakase有「鮨」$480/「蕾」$580/「鎧」$780三款選擇，我就揀咗最貴嘅「鎧」(其實呢個價錢食到咁高質嘅Omakase都唔算貴🤣)。「鎧」呢個Menu包括前菜、日式蒸蛋、刺身5款、日本料理1款、壽司7款、湯同甜品，話慢唔慢，話快唔快，大概2個鐘鬆少少就享受晒成餐Omakase🇯🇵
✝️沖繩水雲
啱啱去完沖繩，話咁快又見返嚟自日本沖繩嘅海髮菜——水雲，加上醋汁同象拔蚌，入口爽滑、酸香開胃😋
✝️茶碗蒸
蒸蛋當中加入咗三文魚籽、鮮蝦🦐、冬菇🍄、秋葵，鮮味十足，嫩滑蒸蛋配上彈牙嘅鮮蝦同一咬即爆嘅三文魚籽，仲有滑潺潺秋葵，一款食物帶嚟唔同層次同口感🤓
✝️間八魚薄切
間八魚喺日本又稱為鰤魚或者勘八，喺比較高級嘅食用魚🐟，肉質煙韌中帶有少少脆口感，肥而不膩，配埋紫蘇葉酸汁就更突顯出魚嘅鮮美👍
✝️龍蝦肉伴赤貝
用咗鮮甜細澳洲龍蝦肉同爽口嘅赤貝，加上龍蝦蝦頭膏🦞、柚子皮同青檸汁，鮮味倍級上升，濃郁嘅龍蝦香味一啲都唔膩，不過個人都喺覺得加返少少Wasabi同豉油去食就無咁腥🤪
✝️島根黑鑽石
日本島根縣嘅黑鑽石生蠔🦪，入口好似奶油咁細滑，味道非常甜，咬落肉質好厚，柔軟得嚟帶有彈性，加上魚子醬、金箔、三文魚籽、醋漬啫喱，連埋精緻嘅擺碟，高貴又好食😌
✝️拖羅二重奏
三重縣嘅藍鰭吞拿魚，分別用咗大拖羅前腹同赤身兩個部位，以火槍輕輕炙燒過🔥，加少少鹽同夾上紫蘇葉，再用脆紫菜包住，滿滿嘅半肥瘦滋味真喺令人難以抵擋🤤
✝️日本蝦夷鮑
蝦夷鮑生長喺北海道冰冷嘅海水之中，入口有濃郁獨特嘅海水鮮香🌊，有彈性得嚟質感夠晒柔滑，配埋鹹鮮嘅鮑魚肝醬就更色香味俱全
✝️帆立貝壽司
憑呢舊壽司就好睇得出師傅嘅刀工🔪，細緻嘅坑紋令青檸汁柚子皮可以滲透入帆立貝當中，滿滿厚肉又鮮甜嘅質感真喺食多幾嚿都唔厭🤩
✝️牡丹蝦壽司
知名度相當高嘅牡丹蝦，因著佢甜美嘅蝦肉同甘香嘅蝦膏而令人讚不絕口🤟，師傳將燒香過嘅蝦頭膏放上牡丹蝦身，咁樣先食到牡丹蝦最原始嘅滋味
✝️北寄貝壽司
肉質肥厚、口感爽脆嘅北寄貝，用火槍燒過後令肉身蘊含住陣陣炙燒香味，逼出本身嘅肉香，話時話食咗咁多次北寄貝都喺好似第一次炙燒咁食😙
✝️大拖羅壽司
揀選咗大拖羅霜降雪花部位，拖羅肥美得嚟滑身無筋，有入口即溶嘅感覺，相信唔少人鍾意食大拖羅都喺因為呢一種口感😏
✝️黑鯥壽司
將炸過嘅京蔥絲放上脂肪豐腴、帶有甜味嘅黑鯥魚上面，上脆下軟嘅口感對比令成舊壽司帶嚟唔少驚喜😚，京蔥絲仲中和咗本身魚脂豐盛嘅油膩感
✝️拖羅海膽手卷
成日都話好戲在後頭，呢個中拖羅蓉配北海道根室赤海膽手卷果然俘虜咗我嘅胃口🥰，用咗日本人視為最高品質嘅海膽品種，膽肉雖然細，但金黃色嘅表面，加上肥厚飽滿嘅肉身帶嚟明顯回甘嘅鮮味，真心無得彈🏅
食晒所有壽司就送上大蜆味噌湯同紅豆抹茶布甸作結🍲，起咗清清口腔嘅作用。唔知你又會唔會把握住呢個有咁多折扣優惠嘅時機嚟品嚐吓Omakase呢🍣？
張貼
