御泰坊-泰越菜 (已結業)

大約晚上七點去到APM，好多食肆都好多人等位，唯獨依間唔多人。因為我出街食嘢好怕坐到好迫，見到裡面座位舒適，所以今次試依間。望過餐牌，二人套餐雖然價錢稍貴，但係種類多，於是就點左二人套餐試吓。泰式拼盤味道出色，內有三款食物。南瓜粟米湯，因為我好鍾意食粟米，覺得粟米好足料，要讚下。黃咖喱豬頸肉，份量都好足，海南雞同馬拉盞雜菜都唔錯。最後甜品包左椰青糕，天氣咁熱，食落去覺得好清涼。不過套餐裏面唔包飲品，要另外每杯加$25 ，作為套餐，如果都包含飲品，今餐就完美了。