影片
更多
2016-01-10
1497 瀏覽
一向有去開一人火鍋，其實以前香港有好幾間一人火鍋任食架！不過唔知係咪香港租貴做唔住，全部都執曬！終於搜尋到天后有一間新開，仲要係日台式添！印象中既台式一人火鍋質素唔差，又多選擇，終於約左個朋友一齊去食～ 位置都好方便易搵，去開天后電器道食野既朋友就知方便，係地鐵站出去英皇道巴士站再行3分鐘～一入到去就見到自助吧，檯唔算多，但自助吧幾乾淨企理，一邊係丸類菜類既自助吧同醬料吧，另一邊放新鮮蔬菜、粉麵類同飲品，見到今晚任斟有冬瓜茶同荔枝汁～荔枝汁幾好飲～自己鐘意加唔加冰都得，仲有支裝汽水有凍有唔凍 我地揀左湯底先，都幾多選擇，有11款湯底，平時少見既壽喜燒同牛奶鍋都有，呢d真係喺日本台灣先食到！今日想食清清地，加左$20要日式鰹魚湯，朋友叫左牛奶鍋，menu有詳細介紹各種湯底既材料同味道 原來呢度係半自助方式，揀完肉類係套餐價，就包埋出面既野飲野食，其實計返都幾多野食！我地叫左一個龍蝦餐$398包一隻龍蝦、一碟肉同一罐啤酒，揀左台灣水果啤酒，又幾好飲喎！其實係水果味無啤酒味👍我就揀左松板豬肉，店員介紹係豬頸肉爽口d 無耐就上左湯底：牛奶鍋同鏗魚湯。牛奶鍋好濃
位置都好方便易搵，去開天后電器道食野既朋友就知方便，係地鐵站出去英皇道巴士站再行3分鐘～一入到去就見到自助吧，檯唔算多，但自助吧幾乾淨企理，一邊係丸類菜類既自助吧同醬料吧，另一邊放新鮮蔬菜、粉麵類同飲品，見到今晚任斟有冬瓜茶同荔枝汁～荔枝汁幾好飲～自己鐘意加唔加冰都得，仲有支裝汽水有凍有唔凍
調味料
37 瀏覽
0 讚好
0 留言
麵，菜
45 瀏覽
0 讚好
0 留言
飲品部
52 瀏覽
0 讚好
0 留言
我地揀左湯底先，都幾多選擇，有11款湯底，平時少見既壽喜燒同牛奶鍋都有，呢d真係喺日本台灣先食到！今日想食清清地，加左$20要日式鰹魚湯，朋友叫左牛奶鍋，menu有詳細介紹各種湯底既材料同味道
原來呢度係半自助方式，揀完肉類係套餐價，就包埋出面既野飲野食，其實計返都幾多野食！我地叫左一個龍蝦餐$398包一隻龍蝦、一碟肉同一罐啤酒，揀左台灣水果啤酒，又幾好飲喎！其實係水果味無啤酒味👍我就揀左松板豬肉，店員介紹係豬頸肉爽口d
台灣鳳梨啤酒
38 瀏覽
0 讚好
0 留言
無耐就上左湯底：牛奶鍋同鏗魚湯。牛奶鍋好濃，有d似豆奶，我果個鏗魚味好重比我想像中香好多，裡面有2塊昆布，愈滾愈清香，無揀錯😋
北海道牛奶鍋
33 瀏覽
0 讚好
0 留言
日式鰹魚湯
27 瀏覽
0 讚好
0 留言
松板豬肉：份量都幾多！肉質真係好爽，唔肥，平時叫開黑豚肉，轉下食呢個都唔錯👍推介
松阪豬肉
25 瀏覽
0 讚好
0 留言
紐西蘭小羊捲：都幾好味，唔蘇，自己鐘意食再肥少少，不過都算滑
紐西蘭小羊捲
21 瀏覽
0 讚好
0 留言
龍蝦黎啦！👍👍👍再散叫一份帶子，帶子口感👌，唔使淥太耐已經好食
龍蝦真係唔錯！有好多膏😍肉質好彈牙食得出好新鮮😂因為好痴殼😂😂
龍蝦，帶子
32 瀏覽
0 讚好
0 留言
再係出面夾左d台式丸試下，尤其麻吉燒同墨汁墨魚丸，麻吉燒係裡面夾住麻糬，好煙韌😁試埋紫薯都已經好飽，無夾太多費是浪費食材，紫薯好快淋都幾甜！蔬菜洗得好乾淨新鮮，係日常食既菜類。
丸，蔬菜
40 瀏覽
0 讚好
0 留言
我地2個人食左$760，因為叫左龍蝦餐，如果唔叫龍蝦既話每人$200-$300左右啦，視乎揀咩肉類。今餐食得好滿足😋😋😋比之前係香港食既任食一人鍋再高d質素，湯底又好味，滾到無湯店員會主動埋黎加湯，仲加返本身鍋底既湯！呢種服務幾貼心👍又提我地仲有一人一杯Haagen Dazs 雪糕，我地話食到太飽，店員仲叫我地抖多陣先食都得～其實果時已經食左超過2個鐘都無催我地，服務都似台灣咁幾主動服務又有笑容，香港有咁既服務態度係值得讚👍
張貼
