丼吉日式吉列豬排專門店 (形點 I)

營業中

休息中

又到食晏時間，同埋同事一齊搵吓有咩嘢食，見到當吉吉列專門店，好似幾吸引，唔使等就入得去，店長好醒目，可能知道我哋食晏時間唔多，即刻幫我哋落單。我點左豬扒套餐，同事就點左一個咖喱吉列大蝦拼豬柳餐，唔使好耐就有得食，個set lunch有前菜、麵豉湯，另外，白飯同菜任添，我嘅炸豬扒炸得好鬆脆，食落外脆內軟，正，我嘅同事就話啲咖喱汁送飯一流，好開胃，仲添加咗一碗飯，食飽飽之後，店長即刻給我們送上西瓜，西瓜冰凍爽甜，好涼快。呢一餐食物同服務都唔錯，下次會再嚟。