七月烤魚 (已結業)

雖然而家係五月，都走去七月烤魚。我本身就唔係好食得辣嘅，所以我叫咗一個$499嘅二人套餐，主菜要咗條唔辣嘅清江魚，係用豆豉來炮製的。叫做醬香豆豉口味。清江魚我未食過，咁就要試吓啦。用一個淺鍋上，條魚足有兩三斤，汁醬在熱騰騰的鍋上滾起，已經聞到豆豉的香味，初初食落去，有少少似豆豉鯪魚的感覺。但再食下去，除了有豆豉鯪魚的感覺外，魚的肉質十分軟糯有魚味。相信條魚在上鍋之前已經用油炸過，所以亦有外脆內軟的感覺。芥末伴秋葵，呢個配菜適合食得辣的人士。蒜蓉燒扇貝，蒜蓉粉絲十分入味，扇貝爽口。燒雞中翼，外皮香脆，而內面重有肉汁。燒玉米🌽，都唔錯。燒韭菜，亦都不俗。燒雞軟骨，有咬口，送啤酒一流。飲品有藍天乳酸梳打，亦都是一個好的選擇。$21草梅番石榴乳酸梳打，呢個配搭，都幾新奇，我都幾鍾意飲。$21除咗秋葵辣之外，其他的食物都是要求不辣的。