影片
更多
2022-12-21
112 瀏覽
冇諗過一間文青Cafe，睇落唔算大間，但五臟俱全，又有中式又有西式選擇。見到黃金雞柳，一定有鹹蛋黃，已經吸引到我！食落去鹹蛋黃炒得好入味，感覺有少少鹹蛋黃起沙起泡嘅效果，絕對係因為炒嘅時間拿捏得好。加上，雞柳外皮都好脆口，雞柳肉質都好嫩，值得再食！小食已經咁好食，而主食叫咗個三文魚大蝦粉紅汁意粉。見到三文魚粒粒都唔細舊，而大蝦成舊剝殼，蝦尾都剝埋，真係好細心～雖然三文魚唔算好入味，但係值得一讚係大蝦好滑身，有返咁上下質素嘅蝦～成碟意粉啲汁都好夠，意粉烹調時間剛好，加上少少蕃茄仔點綴，更開胃！睇Menu已經比咕嚕肉定食吸引咗，上菜嗰陣果然冇令我失望！大大嚿咕嚕肉，見到甜酸醬鋪滿喺咕嚕肉到，咬落去仲要係脆口。呢啲真係要趁熱食，凍左咕嚕肉嘅皮同肉就會容易啲分離，口感會打左折扣～另外，小食有麻辣蓮藕同雲耳，唔好睇小細細盤嘅配菜，醃製得幾好食，搞到我全部食晒，絕對有花過心思去烹調同處理甜品叫焦糖香蕉配朱古力雪糕窩夫，賣相好吸睛。窩夫唔係脆口個款，同埋都唔會有特別味道係內涵，相對普通。不過佢有雪糕同埋焦糖香蕉仲有咖啡果凍做個小配搭，係一個唔錯嘅配搭。最後兩杯飲品，都係熱呼呼嘅奶類特飲，分別係熱焦糖
冇諗過一間文青Cafe，睇落唔算大間，但五臟俱全，又有中式又有西式選擇。
見到黃金雞柳，一定有鹹蛋黃，已經吸引到我！食落去鹹蛋黃炒得好入味，感覺有少少鹹蛋黃起沙起泡嘅效果，絕對係因為炒嘅時間拿捏得好。加上，雞柳外皮都好脆口，雞柳肉質都好嫩，值得再食！
小食已經咁好食，而主食叫咗個三文魚大蝦粉紅汁意粉。見到三文魚粒粒都唔細舊，而大蝦成舊剝殼，蝦尾都剝埋，真係好細心～雖然三文魚唔算好入味，但係值得一讚係大蝦好滑身，有返咁上下質素嘅蝦～成碟意粉啲汁都好夠，意粉烹調時間剛好，加上少少蕃茄仔點綴，更開胃！
睇Menu已經比咕嚕肉定食吸引咗，上菜嗰陣果然冇令我失望！大大嚿咕嚕肉，見到甜酸醬鋪滿喺咕嚕肉到，咬落去仲要係脆口。呢啲真係要趁熱食，凍左咕嚕肉嘅皮同肉就會容易啲分離，口感會打左折扣～另外，小食有麻辣蓮藕同雲耳，唔好睇小細細盤嘅配菜，醃製得幾好食，搞到我全部食晒，絕對有花過心思去烹調同處理
甜品叫焦糖香蕉配朱古力雪糕窩夫，賣相好吸睛。窩夫唔係脆口個款，同埋都唔會有特別味道係內涵，相對普通。不過佢有雪糕同埋焦糖香蕉仲有咖啡果凍做個小配搭，係一個唔錯嘅配搭。
最後兩杯飲品，都係熱呼呼嘅奶類特飲，分別係熱焦糖朱古力同抹茶鮮奶。而家寒冷嘅天氣，再飲完呢杯野飲，感覺好溫暖，味道令人叫甜入心！
張貼
