澳門丸記清湯腩王 (已搬遷) 新店位置

.有時想買餸翻屋企加菜又唔知買咩好😖屯馬線朋友宜家就唔使煩了！🤤呢間係正石門站對面！超級方便！除左可以堂食，仲可以外賣拎翻屋企食～聽講店內娘惹咖哩仲拎埋法國藍帶美食勳章同第十五屆清湯腩王至尊大獎😬掙扎左好耐試牛腩/海南雞/咖喱😛.1️⃣半隻海南雞($88)⭐️⭐️⭐️(3/5)入口超級滑！而且姐姐超級細心😆提我拎翻屋企如果想加熱，蒸1-2分鐘就可以，唔係就會唔滑！跟足指示！食飯個陣果然又香又滑！！！！🥳但佢嘅滑又有啲咬口😂食得出隻雞生前有行過路，唔係俾養料硬生生養大無郁過嘅滑口～而且會配泰式醬🤤入口酸酸甜甜，但後勁竟然會有啲辣！增加左成碟雞嘅層次🥳.2️⃣半打鮮蝦雲吞($30)⭐️⭐️⭐️(3/5)作為餃子雲吞控🙋🏻‍♀️緊係唔會放過佢！雲吞皮好薄好滑！鮮蝦好入味！都好大粒好爽🤩呢款堂食都可以食到㗎！同埋外賣都有熟嘅～唔一定要買生😬.見到menu仲有勁多小食好想試🙊但無咁多隻手拎翻屋企😛只好靠大家去試了～～～～🎡澳門丸記清湯腩王地址：沙田石門安群街3號京瑞廣場1期地下G02號舖(港鐵石門站 C 出口, 步行約1分鐘)