影片
更多
2020-12-14
354 瀏覽
前幾年曾經喺中環中心返過一兩年工 蘇杭街亦都係當時其中一個經常放Lunch覓食嘅地方 不過自從轉左去中環返工之後就少咗好多去蘇杭街食嘢 對上一次已經係差唔多一年前去食Samsen嚕今次趁星期六放假冇乜嘢做就約女朋友去中上環食個Lunch再去飲杯咖啡 決定要過一個悠閑嘅下午🤓食完Lunch之後我哋決定去喺蘇杭街開咗一段時間嘅Kaffeine Kaffeine係一間熱門嘅打卡文青小店 能夠喺兢爭激烈嘅蘇杭街(街內至少有另外三四間咖啡店)站得住陣腳 自然係有佢嘅優勝之處 無論食物同飲品都係水準之上 再加上佢北歐風格嘅裝修 Photogenic嘅巨型木窗台 自然吸引唔少人過嚟打卡 即使係路過嘅行人都會忍唔住望多兩眼👀咖啡店供應嘅食物同飲品種類十分多 食物有沙律 自家出爐麵包 多士 Burger All Day Breakfast 到甜點如法式西多士 疏乎厘 同埋岀名嘅Grandma’s Scone 至於飲品亦有不同嘅咖啡 Latte 茶飲 Smoothies 甚至啤酒 所有嘢嘅定價亦十分合理因為我哋係食完Lunch就馬上過去嘅關係 所以決定每人一杯嘢飲同埋試吓佢哋個Grandma’s Scon
今次趁星期六放假冇乜嘢做就約女朋友去中上環食個Lunch再去飲杯咖啡 決定要過一個悠閑嘅下午🤓
食完Lunch之後我哋決定去喺蘇杭街開咗一段時間嘅Kaffeine Kaffeine係一間熱門嘅打卡文青小店 能夠喺兢爭激烈嘅蘇杭街(街內至少有另外三四間咖啡店)站得住陣腳 自然係有佢嘅優勝之處 無論食物同飲品都係水準之上 再加上佢北歐風格嘅裝修 Photogenic嘅巨型木窗台 自然吸引唔少人過嚟打卡 即使係路過嘅行人都會忍唔住望多兩眼👀
咖啡店供應嘅食物同飲品種類十分多 食物有沙律 自家出爐麵包 多士 Burger All Day Breakfast 到甜點如法式西多士 疏乎厘 同埋岀名嘅Grandma’s Scone 至於飲品亦有不同嘅咖啡 Latte 茶飲 Smoothies 甚至啤酒 所有嘢嘅定價亦十分合理
因為我哋係食完Lunch就馬上過去嘅關係 所以決定每人一杯嘢飲同埋試吓佢哋個Grandma’s Scone 所以總共叫咗三樣嘢📝
1. Grandma’s Scone 日式焙茶麻薯味同埋百利甜酒配焦糖餅味 $60兩個 - 👑👑👑👑
2. Matcha Latte $40 - 👑👑👑👑
3. Iced Americano $34 - 👑👑👑👑
Grandma’s Scone 日式焙茶麻薯味同埋百利甜酒配焦糖餅味
Grandma’s Scone有別於一般嘅Scone 佢外型係比較扁身嘅 而口感亦非平時香港食到嘅Scone咁樣口感偏乾身同食落口覺得粉粉地 反而佢係做到外皮脆身 內層濕潤 有啲似食美式曲奇嘅口感 日式焙茶麻薯味十分岀色 一切開就被佢裏面嘅麻薯所吸引 食落口茶味香醇 配上煙韌軟糯嘅微甜麻糬 啱啱好能夠平衡焙茶嘅甘香味 至於百利甜酒配焦糖餅味就相對失望 佢有着濃濃嘅Lotus Biscoff味 雖然襯咖啡食係一流 但係就唔係好食得出同聞得出Baileys嘅酒香味道
Grandma’s Scone
$60
26 瀏覽
0 讚好
0 留言
Grandma’s Scone
$60
42 瀏覽
0 讚好
0 留言
Matcha Latte
比平時出邊飲嘅Matcha Latte濃郁好多 每一啖都可以飲到抺茶嘅甘香味 而奶味亦十分香醇 唔會被抹茶味蓋過 女朋友表示十分滿意
Matcha Latte
$40
12 瀏覽
0 讚好
0 留言
Iced Americano
因為賣相唔係有咩特別所以當時無特登去影相😂 不過佢嘅味道絶對不錯 如果係比較怕苦嘅朋友都可以嘗試一下 因為呢度嘅Iced Americano味道比較Fruity所以唔會太苦 呢個價錢同質素 比某大型連鎖咖啡店嘅Iced Americano絶對係抵飲同好飲好多
總括而言 無論係想去嘆吓咖啡定係文青想去打卡都值得一試 人均幾十蚊就已經可以享受到一個愜意嘅休閒時光
張貼
