影片
更多
2019-06-15
114 瀏覽
家中女皇大人一向愛吃川滬菜，尤其愛嚐片皮鴨跟高力豆沙而小妹近日得悉上環呢邊有間中菜餐館晚市做緊京川滬菜既自助餐，仲可以任食片皮鴨，而且價錢都唔係貴，成人HKd$228一位，計埋茶錢加一後就大概270蚊，所以就決定同佢黎試下好唔好食先xppp每晚6點開始，入座起計食120分鐘，因為個晚係星期六，所以都幾爆場，啲位都差唔多坐滿晒咁濟~~~坐低之後，店員就為我地每人呈上一份花菇鮑魚同花膠燉湯！！！鮑魚味濃不韌，燉湯亦為清甜~飲左兩啖湯暖暖胃之後就出去睇下有咩好食先:）首先當然要排隊拎返份由當晚大廚即場分切既填鴨，跟住再拎埋葱段瓜絲同醬料，然後返埋去包返靚仔先啦xpp餠皮薄而不透，煙韌富嚼勁，同皮脆既鴨件做成對比，鴨皮既脂香跟醬料係口腔融和，呢份即製既片皮鴨相當不俗啊除左有主打既片皮鴨之外，場内仲有不同既川滬菜式！！！冷盤有肴肉、牛展、涼拌、油炆筍同醉蝦醉雞等等（個人特别推薦油炆筍，筍段嫩而入味，當晚自己都encore左兩三轉）xppp熟食同主食方面就有水煮牛肉、糖醋魚塊、上海粗炒、干扁四季豆同東坡肉等等，全部都係任君自取，可以食幾多拎幾多，refill既速度都幾快，唔洗擔心食唔到：）因為點心
而小妹近日得悉上環呢邊有間中菜餐館晚市做緊京川滬菜既自助餐，仲可以任食片皮鴨，而且價錢都唔係貴，成人HKd$228一位，計埋茶錢加一後就大概270蚊，所以就決定同佢黎試下好唔好食先xppp
每晚6點開始，入座起計食120分鐘，因為個晚係星期六，所以都幾爆場，啲位都差唔多坐滿晒咁濟~~~
坐低之後，店員就為我地每人呈上一份花菇鮑魚同花膠燉湯！！！
鮑魚味濃不韌，燉湯亦為清甜~
飲左兩啖湯暖暖胃之後就出去睇下有咩好食先:）
首先當然要排隊拎返份由當晚大廚即場分切既填鴨，跟住再拎埋葱段瓜絲同醬料，然後返埋去包返靚仔先啦xpp
餠皮薄而不透，煙韌富嚼勁，同皮脆既鴨件做成對比，鴨皮既脂香跟醬料係口腔融和，呢份即製既片皮鴨相當不俗啊
除左有主打既片皮鴨之外，場内仲有不同既川滬菜式！！！冷盤有肴肉、牛展、涼拌、油炆筍同醉蝦醉雞等等（個人特别推薦油炆筍，筍段嫩而入味，當晚自己都encore左兩三轉）xppp
熟食同主食方面就有水煮牛肉、糖醋魚塊、上海粗炒、干扁四季豆同東坡肉等等，全部都係任君自取，可以食幾多拎幾多，refill既速度都幾快，唔洗擔心食唔到：）
因為點心同甜品都係即點即製，所以就係劃紙點上既，當中既小籠包都唔錯啵，每粒都是湯汁滿滿的xppp
甜品除左女皇至愛既高力豆沙之外，杞子桂花糕都唔錯，清清甜甜夠冰凍，加上甜品份量不大，試匀咁多款都無問題：D
汽水、竹蔗茅根同豆漿都係自取任飲既：）
整體黎講食物質素都唔差，每位唔洗300蚊就可以一次過食到咁多款式既京滬川菜係滿足既=]
張貼
