Coffeelin Espresso

營業中

休息中

一早起身總會呆下呆下，今日番工前就走到灣仔「Coffeelin Espresso」，慢慢歎番杯醒神啡。餐廳裝修簡單明亮，以高枱格局為主！醒神啡之餘當然都要食下嘢，三文治、吐司又點少得呀！坐低後，見到一位又一位店員跟顧客都親切有禮，難怪會成為打工仔每日一早必到一聚。摩卡咖啡朱古力與咖啡完美混合，甘香咖啡味之餘又不失朱古力嘅香甜，口感細膩幼滑。焙茶拿鐵焙茶味香濃，茶香濃郁，口感滑順，細緻綿密。慢煮牛仔肉配咖喱蛋黃醬麵包皮煙韌，配搭上牛仔肉、蕃茄、生菜…層次豐富，爽脆清新，啖啖滿足。火腿配梵提娜芝士絕對值得推介的多士，外層香脆係可口，咸香中帶點酸甜，更有芝士熱溶的綿綿口感，一食愛上。Basque Burnt Cheesecake芝士微微半熟軟心，入口香即，芝味香濃，柔軟Creamy。