薯仔屋 (已結業)

今日黎到呢間都幾出名 聽講有好多明星都有黎嘅樓上Cafe食野 入到去第一感覺係好有屋企feel 幾舒服今次同親戚啲小朋友一齊黎 真係啱晒！因為入面有勁多野玩 街機 唔同年代嘅board game 模型都有 中意小動物嘅仲可以睇下鸚鵡 倉鼠 摸下兔仔咁 我地呢啲90後都覺得比呢個地方勾起左唔少童年回憶💖野食方面都錯 主要係夠新鮮熱辣辣 分量都唔細 黎得薯仔屋緊係要食薯仔🤣 佢個焗薯幾好 焗得夠入心 好軟滑 上面啲配料好足 特別係啲酸忌廉 正另外佢個心太軟係我全場至愛🤪 其實我真係冇見過咁高咁大舊嘅心太軟 用枝叉拮落去啲朱古力心流到好似山洪暴發咁🤣🤣 真係用黎打卡都夠晒殺食 但佢唔係得個樣架 個餡好香濃滑溜 一份都好滿足到中意食大大份甜品嘅為食貓🤪