榮式燒雞扒 (吳松街) (已結業)

三五知己去開佐敦一齊食個便飯，其中一個朋友推介榮式燒雞扒就去左。門口睇落就同一般既冰室無乜分別，入到去地方比較細，坐落唔算特別舒服。打開餐牌睇左一陣都覺得無邊一個餐或者飯特別吸引，最後就大家叫左個親子雞扒飯。個飯黎到就係一般既雞扒飯多左蛋同有少少菜，量唔算多，本身對味道方面無乜特別期望，不過食落雞扒味同醫汁味濃郁，亦唔會太咸，配合得比預期中好。個人覺得普通一個雞扒飯$50蚊左右唔包野飲等等係有啲貴，不過味道方面確實有返咁上下。有機會會再試下佢唔同款色既雞扒飯。