影片
更多
2016-08-02
897 瀏覽
夏天食湯飯係好好嘅選擇, 撞啱工人放假一個月, 我哋就一個星期嚟三四晚.第一晚食芥菜肉片湯飯, 可能夜晚八點幾成九點, 餸嘅份量都幾大, 啱哂我大胃王;之後試過另外幾款, 味道可以架, 份量對我嚟講偏小, 於是都係返轉頭食芥菜肉片湯飯,更加印證咗第一晚份量足係因為臨收工, 幸好堂食的話飯可以免費添加, 所以絕對食得飽.幾十蚊個湯飯, 我唔會太要求有乜嘢服務, 後生仔女侍應傾偈笑得燦爛轉頭對客黑起塊面我都預咗, 但求其有人應我, 有嘢食我就收貨. 始終一分錢一分貨.呢間鋪唔大, 枱幾逼, 六點半左右就要喺門口攞籌, 嗰晚等完枱坐低後叫個紥馬尾濃眉大眼有幾分似胡定欣嘅女仔落柯打, 等...等...等....等到右邊張枱食完.....再坐第二個客落嚟, 嘢食都到, 我哋張枱仲係吉嘅, 其間有中年短髮女士侍應路過望到我哋嗰張 KEEP 住好乾淨嘅枱面, 不過佢一於你睇我唔到你睇我唔到, 想叫佢時佢開 TURBO 仲行快兩步; 終於叫得停個似陳智燊嘅男侍應, 叫佢幫我哋追下單, 佢問我哋張單喺邊. 我哋叫佢問返胡定欣, 原來平時做侍應嘅胡定欣去咗做收銀, 可能做唔慣啩, 收到一頭煙, 陳智燊
第一晚食芥菜肉片湯飯, 可能夜晚八點幾成九點, 餸嘅份量都幾大, 啱哂我大胃王;
之後試過另外幾款, 味道可以架, 份量對我嚟講偏小, 於是都係返轉頭食芥菜肉片湯飯,
更加印證咗第一晚份量足係因為臨收工, 幸好堂食的話飯可以免費添加, 所以絕對食得飽.
幾十蚊個湯飯, 我唔會太要求有乜嘢服務, 後生仔女侍應傾偈笑得燦爛轉頭對客黑起塊面我都預咗, 但求其有人應我, 有嘢食我就收貨. 始終一分錢一分貨.
呢間鋪唔大, 枱幾逼, 六點半左右就要喺門口攞籌, 嗰晚等完枱坐低後叫個紥馬尾濃眉大眼有幾分似胡定欣嘅女仔落柯打, 等...等...等....等到右邊張枱食完.....再坐第二個客落嚟, 嘢食都到, 我哋張枱仲係吉嘅, 其間有中年短髮女士侍應路過望到我哋嗰張 KEEP 住好乾淨嘅枱面, 不過佢一於你睇我唔到你睇我唔到, 想叫佢時佢開 TURBO 仲行快兩步; 終於叫得停個似陳智燊嘅男侍應, 叫佢幫我哋追下單, 佢問我哋張單喺邊. 我哋叫佢問返胡定欣, 原來平時做侍應嘅胡定欣去咗做收銀, 可能做唔慣啩, 收到一頭煙, 陳智燊等佢標完煙後問佢, 就返返嚟問我哋食乜嘢, 話阿胡定欣漏咗單. 好喇, 再落過單, 再等.......右邊嗰枱都食完走埋喇, 再有個有少少笑容嘅四眼妹妹仔好有禮貌咁問我哋 : 唔好意思呀, 請問你哋叫咗乜嘢呀.
嘩我坐咗大半個鐘啦, 呢個時間你應該 SUPPOSE 我食完埋單架喇........我真係唔識答, 唯有起身走. (妹妹仔我真戥你慘, 我知你係無辜, 事實上我坐咗大半個鐘, 你係唯一一個令我覺得我冇做錯事嘅人, 可惜你俾你啲好同事推咗出嚟受靶)
我係唔介意你冇乜服務, 但係已經過咗我 "求其有人應我, 有嘢食我就收貨" 呢個底線 (人人底線唔同, 可能我嘅底線高咗啲!)
廚房大佬俾心機啦, 你哋手勢好好, 都係嗰句, 只係我底線高啫.
張貼