韓宮 (已結業)

今日去左紅磡食呢間韓國菜。我地叫左野食後好快就有四個小菜，包括泡菜，醃蘿蔔，甜薯仔同波菜。四個小菜都幾好味，我尤其鍾意薯仔！我地叫左一隻醬油蟹，咁啱做緊優惠，所以都好抵食。個醬油蟹食得出好新鮮，真係不得了，鮮甜惹味，食完仲想食！浸喺特製嘅醬油度醃製，蟹肉鮮嫩多汁，醬油嘅鹹香同蟹肉嘅鮮甜完美融合。 我地叫左韓國燒肉set C，喱到既韓國燒肉就用全碟拼盤上，夠哂方便。燒肉拼盤包含肥牛、牛仔骨、豬肉和雞肉，同各種配菜。值得一提係呢到既牛肉肉質鮮美，口感豐富，夠哂油份。 我地仲Order左支啤酒試下，與其他國家啤酒相比，韓國啤酒苦味更淡，甜味更重，泡沫更豐富，爽啊！ 喱到個老闆娘仲會同客人傾下計，相當有人情味，令到整餐飯更好味。