影片
更多
2021-01-31
573 瀏覽
今日喺藍田行完街，心思思想食韓國菜，知道啟田市場個邊新開左哩間韓式外賣店，所以就專登買黎試下。到咗啟田市場之後，發現店舖外面已經好多人喺度買緊外賣，正當我地係店舖前，諗緊食咩好嘅時候，店員主動問我地平時口味係點，鍾意食甜定係食辣，之後根據我哋嘅口味推介佢哋店舖嘅食物，又會好仔細咁介紹各種食物入面有咩配料，非常熱情友善❤️最後我哋叫咗一個炒粉絲便當同埋招牌五花腩紫菜卷，另外仲買咗我喺韓國最鍾意飲嘅梨水🍐同埋米水😆😆😆呢兩款飲品平時好難搵，而且超好飲，強烈推介👍🏻🎈五花腩紫菜卷 $58紫菜卷嘅餡料非常豐富，有醃蘿蔔、甘筍絲、雞蛋絲、青瓜、生菜，當然唔少得大大塊嘅五花腩，所以食落去口感好豐富。而且店員包得夠實淨，飯卷唔會散開，每一塊都份量十足，食得出啲材料好新鮮。🎈韓式炒粉絲便當 $58韓式便當好大盒，入面有醃蘿蔔、薯餅、炸蝦、辣炒年糕同埋炒粉絲。辣炒年糕入面有魚糕同年糕，年糕好煙韌，而且辣度十足，辣得好過癮，啱晒我😆而便當入面嘅粉絲亦有唔少配料，有蔥、洋葱牛肉、雞蛋絲、甘荀絲同木耳，粉絲食落去相當彈牙，唔會油膩，真係幾好食。笑哈哈薯餅同埋炸蝦都係香脆好味，而且佢出面個層粉好薄，唔會似得出面啲
到咗啟田市場之後，發現店舖外面已經好多人喺度買緊外賣，正當我地係店舖前，諗緊食咩好嘅時候，店員主動問我地平時口味係點，鍾意食甜定係食辣，之後根據我哋嘅口味推介佢哋店舖嘅食物，又會好仔細咁介紹各種食物入面有咩配料，非常熱情友善❤️
最後我哋叫咗一個炒粉絲便當同埋招牌五花腩紫菜卷，另外仲買咗我喺韓國最鍾意飲嘅梨水🍐同埋米水😆😆😆呢兩款飲品平時好難搵，而且超好飲，強烈推介👍🏻
25 瀏覽
0 讚好
0 留言
🎈五花腩紫菜卷 $58
紫菜卷嘅餡料非常豐富，有醃蘿蔔、甘筍絲、雞蛋絲、青瓜、生菜，當然唔少得大大塊嘅五花腩，所以食落去口感好豐富。
而且店員包得夠實淨，飯卷唔會散開，每一塊都份量十足，食得出啲材料好新鮮。
15 瀏覽
1 讚好
0 留言
🎈韓式炒粉絲便當 $58
韓式便當好大盒，入面有醃蘿蔔、薯餅、炸蝦、辣炒年糕同埋炒粉絲。
辣炒年糕入面有魚糕同年糕，年糕好煙韌，而且辣度十足，辣得好過癮，啱晒我😆
而便當入面嘅粉絲亦有唔少配料，有蔥、洋葱牛肉、雞蛋絲、甘荀絲同木耳，粉絲食落去相當彈牙，唔會油膩，真係幾好食。
笑哈哈薯餅同埋炸蝦都係香脆好味，而且佢出面個層粉好薄，唔會似得出面啲舖頭咁成口都係粉。
10 瀏覽
0 讚好
0 留言
總括嚟講，呢間舖頭嘅性價比真係好高，而且用料十足，店主同店員仲要好好人，同埋佢見到我喺度不斷影店面同食物相之後，仲叫我影埋佢哋😂真係非常可愛
張貼
