Outback Steakhouse (愉景新城) (已結業)

好難得呢間餐廳人手不足都保持服務質素，值得大讚。今晚叫咗我最鍾意嘅炸洋蔥花球，仲有炸蘑菇同埋Nachos。另外加咗個吞拿魚沙律同埋朱古力脆脆蛋糕做甜品。我記得當年第一次食洋蔥花球非常有驚喜而且真係好大個洋蔥，衣家雖然縮晒水不過仍然係好滯嘅，我通常會叫佢比多一個醬我用嚟點洋蔥花球。炸蘑菇都好食，保持水準咁啦，呢啲大型連鎖餐廳通常品質比較穩定有保證，不過個Nachos就強差人意唔係好掂，最重要係d醬太少，尤其是個sour cream，根本唔夠點。吞拿魚沙律質素亦可以，其實呢個沙律我係第一次食，好彩d吞拿魚都算可以。最後個朱古力脆脆蛋糕加$30多一球雪糕，都幾大球，不過原來呢個蛋糕本身係有雪糕跟埋嘅，不過當然細好多。呢個朱古力蛋糕麻麻地，可以唔洗浪費quota。