갈비궁 Galbi Gung

營業中

休息中

近排熱門話題係呢個新商場，同老婆見到呢間仲未開門嘅韓國餐廳門口大排長龍，就排埋一份食個二人餐。坐低就有人遞上幾碟韓國小菜，個餐有豆腐沙律同帶子牛油燒、和牛外裙肉、慶州黑毛豬水果醬五花腩、和牛肩肉、配d鮮菇同南瓜。牛肉類嘅都好夠嫩夠淋，五花腩有韓國食嘅質素，爽嘅，都幾令人滿意。天時暑熱個餐有得揀梗係食水冷麵，涼爽fresh；燉牛筋牛舌味道濃、入味，ok。呢度野飲都幾大杯下，飲左個菠蘿梳打同柚子檸檬梳打，酸酸地幾開胃。甜品係烤香蕉配朱古力同肉桂粉，店員會幫手烤，烤左嘅香蕉甜度高啲，點下朱古力同肉桂粉又確係幾好味。焦糖布甸食落口棉滑質感厚，好似葡撻味，勁好食。