影片
更多
2022-10-01
114 瀏覽
荳子 Beans📍 屯門屯順街1號屯門市廣場一期UG層UG42號舖同成班姊妹去完屯門碼頭打卡睇日落後，我哋去咗屯市搵食，見到平時大排長龍嘅Beans居然無咩人排隊，於是決定喺度食晚餐。 💰$28 (套餐加配)車打芝士薯條 🧀🍟喺度叫套餐可以以優惠價錢加配車打芝士薯條或其他小食，佢嘅薯條炸得好香脆，但又唔會過分油膩，大家記得要點埋側邊嘅車打芝士醬，佢可以令薯條嘅味道昇華，正！ 💰$118黃金蟹肉意大利粉 🦀🍝我不嬲都好鍾意食蟹，呢款黃金蟹肉意大利粉就合晒我心意啦。無論係外觀定味道，呢款意大利粉暫時喺Beans入面係我心目中嘅No.1！佢嘅蟹味好濃郁，意粉同個醬好幼滑，全部加埋一齊，perfect！不過個人嚟講唔係太鍾意放喺上面嘅沙律菜，食落有啲苦味，扣咗佢少少分。 💰$128黑蒜・磯燒鮑魚・蜆肉・白酒意大利粉 🥂🍝印象中冇咩幾多次食過黑蒜意大利粉，呢款由鮑魚、蜆肉同白酒煮成嘅意大利粉味道好新奇。雖然鮑魚同蜆肉嘅量唔多，多人分食下要將鮑魚切到細細粒先人人有得分，但佢嘅黑蒜一啲都唔臭，香濃嘅黑蒜味配埋白酒意粉一齊食特別夾，鮑魚同顯肉亦都無腥味，係一款幾特別嘅意大利粉，未試過嘅朋友可以試吓。
📍 屯門屯順街1號屯門市廣場一期UG層UG42號舖
同成班姊妹去完屯門碼頭打卡睇日落後，我哋去咗屯市搵食，見到平時大排長龍嘅Beans居然無咩人排隊，於是決定喺度食晚餐。
[價錢 Price]
💰$28 (套餐加配)
車打芝士薯條 🧀🍟
喺度叫套餐可以以優惠價錢加配車打芝士薯條或其他小食，佢嘅薯條炸得好香脆，但又唔會過分油膩，大家記得要點埋側邊嘅車打芝士醬，佢可以令薯條嘅味道昇華，正！
[價錢 Price]
💰$118
黃金蟹肉意大利粉 🦀🍝
我不嬲都好鍾意食蟹，呢款黃金蟹肉意大利粉就合晒我心意啦。無論係外觀定味道，呢款意大利粉暫時喺Beans入面係我心目中嘅No.1！佢嘅蟹味好濃郁，意粉同個醬好幼滑，全部加埋一齊，perfect！不過個人嚟講唔係太鍾意放喺上面嘅沙律菜，食落有啲苦味，扣咗佢少少分。
[價錢 Price]
💰$128
黑蒜・磯燒鮑魚・蜆肉・白酒意大利粉 🥂🍝
印象中冇咩幾多次食過黑蒜意大利粉，呢款由鮑魚、蜆肉同白酒煮成嘅意大利粉味道好新奇。雖然鮑魚同蜆肉嘅量唔多，多人分食下要將鮑魚切到細細粒先人人有得分，但佢嘅黑蒜一啲都唔臭，香濃嘅黑蒜味配埋白酒意粉一齊食特別夾，鮑魚同顯肉亦都無腥味，係一款幾特別嘅意大利粉，未試過嘅朋友可以試吓。
[價錢 Price]
💰$98
開心果馬蘇里拉芝士薄餅配蜂蜜 🍕🍯
係咁多款手做pizza入邊我哋揀咗呢款開心果mozzarella cheese pizza食，因為覺得佢比較特別。擺盤方面比較有心思，喺薄餅嘅正中央放咗一個小兜仔，裏面裝着蜂蜜，俾你隨個人喜好加落去個Pizza度調整甜味。開心果碎係有嘅，但口感同埋味道都唔突出，整體嚟講似食緊一個甜味芝士pizza，為咗打卡都可以叫嚟試吓，但味道其實一般。
[價錢 Price]
💰$118
黑松露什菌意大利飯 🍄🍚
呢個意大利飯有好多唔同嘅菇類，口感好豐富，而且黑松露味非常之突出，啱晒我呢啲最鍾意食黑松露嘅人。risotto唔會太硬或太淋，個sauce都好creamy，如果唔食肉嘅朋友我會推介呢款！
[價錢 Price]
💰$0 (餐飲)
凍檸檬蜂蜜 🍋🍯🍹
同一般凍檸蜜有少少分別，因為飲得出佢嘅蜂蜜係天然嘅，檸檬片又比較新鮮，加埋少少薄荷葉，成杯飲落好清新。
[價錢 Price]
💰$28 (套餐加配)
卷・山政小山園 🍵🍰
睇餐廳介紹，佢哋嘅呢款山政小山原卷係有A級評定抹茶卷蛋之稱。由以前係朱古力控變成而家嘅抹茶控，我敢講佢哋嘅抹茶卷真係做得好唔錯，而且卷蛋同忌廉嘅比例係我鍾意嘅黃金比例，我鍾意比較多忌廉少蛋糕嘅卷蛋，唯一美中不足嘅地方就係佢唔夠凍，否則佢呢款唔會太苦又唔會太甜嘅抹茶卷蛋就真係近乎完美！
[價錢 Price]
💰$28 (套餐加配)
Say “Cheese”
呢款檸檬慕絲美式芝士蛋糕嘅造型係咪好可愛呢，真係成嚿芝士咁嘅樣㗎！佢嘅檸檬慕絲唔會太酸，但芝士味亦唔太重，雖然話係美式芝士蛋糕，但佢無New York cheesecake嗰種咁濃咁滯嘅口感，相信平時唔係太鍾意食濃味cheesecake嘅人都可以handle到。
張貼
