三一餃子 (通菜街)

營業中

休息中

作為餃子愛好者，不時都會周圍是唔同嘅餃子店。呢間餃子店印象都幾深刻。致力研發屬於本土嘅味道，不定時推出新品，好多選擇，而且仲crossover酒場嘅概念～好有特色。餃子基本可分為煎或水餃～餡料選擇都幾多，例如韮菜蝦皮豬肉、黑白松露豬肉、蒜芯豬肉、韭黃墨醉雞，平時都比較少見。將餃子煎成冰花炒手就真係比較特別，有賣相得來又好味。底層係脆卜卜網紋，面頭係大量蒜蓉，不停encore👍🏻除左餃子，小食都好高質。吉列炸蠔 - 外脆內嫩，蠔好肥美；絲網春卷 - 外層酥脆，餡料豐富實淨有口感；為酒而炸雞軟骨串 - 鹹鹹香香又脆身，送酒一流；醉炸雞翼 - 酥脆得黎富有酒香，我幾鍾意。餃子窩物係近來熱賣新品。除左大量以蔬菜同菇類、幾隻水餃，仲可以自己額外加配配料。