阿木台灣麵 (廣華街) (已結業)

上次見太多人排隊，食唔到呢間台灣野，今次得閒，就早少少黎，趁剛剛開舖黎食午餐。當然就要試下紅燒牛肉麵（角切，$58，配飲品）。先上四季春青茶（跟餐，熱，無糖），正正常常。紅燒牛肉麵一上就知點解會出名，牛肉麵價錢唔貴，但份量十足，裡面至少有五六舊厚切牛肉，非常抵食。肉質軟腍，半筋半肉，調味都算唔錯。有少少酸菜同蔥，食落開胃。至於麵都算煙韌彈牙，湯底都算濃郁，但我都驚訝呢個紅燒湯底竟然一D都唔辣。食落真係算抵食好味，但又未去到值得排一個鐘隊食，大家可以自己衡量下。