炊豕店 (已搬遷) 新店位置

今日嚟到銅鑼灣試下食炊豕店！🤪🤤以前成日係銅鑼灣行街經過都見到好多人排，但無一次食到，今次就決定要去試試佢！呢間鋪頭係主打食豬排飯，長時間都好多人排隊等食！今晚我地六點幾七點去都要排一陣！佢門面有個牌寫住：「我們想是食豬大的」非常可愛🤪🤪🤪係出面排隊嘅時候，佢會放點單紙係門口俾食客tick定想食咩，一入去就可以即刻俾店員好快幫你take order👍🏻呢到環境好有台灣傳統風格😻但裡面店鋪空間不大，望落得6張枱1張L形高枱，所以坐得有少少迫，但食物嘅高質程度應該引來不少嘅顧客幫襯喇😽我地叫左一個秘製豬扒肉操飯（$61)，炸豬扒食落好鬆脆好入味，肉燥醬汁真係同台灣食嘅好似，如果加埋葱油應該會更好味！海蜇($20)酸酸甜甜好開胃，海蜇質地咬落好爽口！正！滷水雞翼($24)好入味，雞翼唔係熱食，係凍食，夏天食凍小食特別消暑！最後魷魚鬚($38)炸得好鬆脆，配埋個酸汁好開胃，完全唔覺得好熱氣🤤🤪最後加多一罐忌廉都係埋單$143，平均每人$70，好抵食啊！朋友仔經過銅鑼灣要試下啊，佢每人有最低消費($40)，嗌一個飯share再叫埋小食兩個好夠食喇！👍🏻👍🏻👍🏻👍🏻👍🏻👍🏻👍🏻