簡品堂

營業中

休息中

旺角東地鐵站有間麻糬波波麵包店長期大排長龍，除此之外亦有多款手工麵包、蛋糕、蛋捲等烘焙美食供應。平日晚上到訪基本上已經冇晒嘢可以揀，有心嘅強烈建議大家早啲去幫襯🥲招牌麻糬波波有12款口味，一袋有5個，大大粒，麵包口感軟綿，裡面包住QQ麻糬餡，煙煙韌韌好好味呀！另外推介旺角分店先有嘅QQ球，特別係有脆皮嘅，雙重口感令人一試難忘。糯米糍口味比想像中多，而且仲有幾款係新推出嘅，開心果 、榛子、芋泥、檸檬、阿華田、軟軟糯糯，餡料香甜，老少咸宜。開心果拉絲夾心麻糬扁牛角可頌都唔錯，酥脆可口，近期大Hit。作為包控當然唔少得試埋呢度嘅麵包，斑斕湯種吐司有四大片，十分厚切，一打開個包裝就聞到淡淡嘅斑斕香氣，咬落鬆軟，性價比高。另外有伯爵茶海綿蛋糕，濕潤程度適中，下午茶一流。甜點方面有焦糖布甸麻糬朱古力蛋糕，細細一個，共三層，上面係焦糖布甸，中間有軟熟嘅麻糬，下面就係朱古力蛋糕，呢個搭配都幾match，層次感豐富。飲品有樽仔奶茶，奶香氣突出，亦唔會蓋過茶味，值得一試。