影片
更多
2013-12-29
450 瀏覽
早知經過 V city 見到人群逼爆通道，原來開左利小館！ 由銅鑼灣黎到而家屯門 V city , 雖然話就話比利苑經濟，但係個裝修都話你知唔會係平啦不過難得屯門有就腳既新餐廳就即管試下啦! 我同媽媽兩個人襯住下午茶時段去撐下枱腳，2個人都要等大概半個鐘先入得架！叫到我地時，遞張號碼紙過去都無反應，仲照叫之後既number 撞聾定發緊夢呢？= =入到去，內在唔算好大，但唔會擺太多枱，每枱都有足夠空間，幾好坐的！服務就一般般，帶位既侍應生好瀟灑地擺低一堆餐具就走左 叫人寫野叫極都無反應，好似遊緊魂咁 我地叫左4樣野，但係都等左好耐先等到第一樣，鄰桌果位女士已經食緊第三四碟，（同我地同時間入的），仲unun腳開到好大聲玩Candy Crush 飲完一杯又一杯既茶 (無人幫我地加水，要走出去叫佢黎，如果唔係班人仲係自己吹緊水 )，終於等到第一樣野：原隻蒸蝦餃 ($32)睇落細細粒，都收32蚊，個皮又唔夠薄，可謂無乜特別，老實講好多平價既酒樓做得比呢度出色，皮唔薄，個餡又唔靚，蝦肉少，亦不彈牙，失望！ 第二樣係蠔皇叉燒飽（＄22）叉燒飽係比較好既，因為我好怕好多醬既叉燒飽，食
由銅鑼灣黎到而家屯門 V city , 雖然話就話比利苑經濟，但係個裝修都話你知唔會係平啦
不過難得屯門有就腳既新餐廳就即管試下啦!
我同媽媽兩個人襯住下午茶時段去撐下枱腳，2個人都要等大概半個鐘先入得架！
叫到我地時，遞張號碼紙過去都無反應，仲照叫之後既number 撞聾定發緊夢呢？= =
入到去，內在唔算好大，但唔會擺太多枱，每枱都有足夠空間，幾好坐的！
服務就一般般，帶位既侍應生好瀟灑地擺低一堆餐具就走左
叫人寫野叫極都無反應，好似遊緊魂咁
我地叫左4樣野，但係都等左好耐先等到第一樣，鄰桌果位女士已經食緊第三四碟，（同我地同時間入的），仲unun腳開到好大聲玩Candy Crush
飲完一杯又一杯既茶 (無人幫我地加水，要走出去叫佢黎，如果唔係班人仲係自己吹緊水 )，終於等到第一樣野：原隻蒸蝦餃 ($32)
睇落細細粒，都收32蚊，個皮又唔夠薄，可謂無乜特別，老實講好多平價既酒樓做得比呢度出色，皮唔薄，個餡又唔靚，蝦肉少，亦不彈牙，失望！ 第二樣係蠔皇叉燒飽（＄22）
叉燒飽係比較好既，因為我好怕好多醬既叉燒飽，食一口都會覺得膩，呢度既叉燒飽醬同肉既比例剛剛好，又唔會過咸，抵讚！ 第三樣係雞絲金網卷（＄30）
呢個係極差！ 唔夠脆口又無餡料咁濟，完全食唔到有雞絲，味道亦太過淡口！最後一樣係新開張第二個星期做推廣既：法式焗蠔（＄25）
呢個就真係幾出色，拉返唔少分 ！隻蠔25蚊都絕不欺場，大大隻之餘味道很好，無腥味，雖然落左好多芝士但都無掩蓋蠔既鮮味，洋蔥同煙肉令到口感更加好，抵食！ （原價係39蚊，如果係同一水準覺得都係抵食既！）
總結唔算得上係差既，但真係令我幾失望，貴同細件唔係問題，如果味道好，都算係抵食，但係色香味都係一般，而服務亦都唔值呢個價，可能開業無耐會人流多，但遲下無新鮮感之後，就會好似附近果d上海婆婆等等拍烏蠅，快D改善啦希望～
張貼
