NeNe Chicken (東港城) (已結業)

疫情好轉的期間， 預著星期六的見客日，喺人山人海既商場要搵間野食都難， 最想就係先填飽個肚先見客， 誰知道間間都排隊，仲要好似得NeNe Chicken 唔使排， 以平時嘅我一定覺得冇人排就好易中伏，不過時間緊迫，照入啦！ 坐低後叫咗個海鮮豆腐鍋，加$15飲左杯青提梳打，不太甜，不錯。個海鮮鍋因為用石鍋上菜， 溫度好夠熱， 附送白飯， 一食個湯味道適中， 帶有海鮮甜味，有驚喜， 湯入面嘅海鮮仲有青口、蜆、蝦， 尚算足料， 下次都會返嚟再食