影片
更多
2009-10-08
83 瀏覽
師傅食到唔湯唔水咁, 加上谷住度氣, 真係冇癮; 懷住一夥不是味兒的心情由老尖行落去佐敦, 諗住邊行邊搵野食, 順便出身汗發洩一下! 沿路師傅又覺得冇咩吸引或者想食, 不經不覺就行到去佐敦, 黎番自己地頭, 師傅更加想唔到有咩可以食? 但忽然間師傅個腦閃左呢間食店出黎, 心諗如果仲未落閘就入去食啦!去到門口當時係晚上九點半過左,可幸的是店內依然燈光火猛; 雖然見唔到黃燿明同蔡德才, 但依然係咁人山人海! 師傅唔理咁多, 即刻行入去搵個位坐底先! 講都冇人信, 師傅喺呢區都打滾左一段頗長時間, 但由始至終都未黎過呢度食野, 點解呢? 師傅自己都不得而知, 既然機會難逢, 咁就即刻柯打野食! 師傅今次大貪d, 整個雙拼啦, 就要雲吞鮮牛肉麵! 等左一陣雲吞鮮牛肉麵就登場, 師傅一如以往就係先試下個湯底, 湯底味道一般, 並不太特別; 再望下雲吞得兩大粒, 鮮牛肉有五至六片; 先講下雲吞, 雲吞真係幾鬼大粒, 而雲吞皮又滑又薄, 內裡嘅餡料就真係好多蝦同埋冇肥豬肉, 加上蝦身幾爽口同幾鮮, 真係不錯, 如果能再多幾粒就更好; 而牛肉就鬆身, 味道都可以, 冇咩特別; 至於個麵係生麵, 麵身
去到門口當時係晚上九點半過左,可幸的是店內依然燈光火猛; 雖然見唔到黃燿明同蔡德才, 但依然係咁人山人海! 師傅唔理咁多, 即刻行入去搵個位坐底先! 講都冇人信, 師傅喺呢區都打滾左一段頗長時間, 但由始至終都未黎過呢度食野, 點解呢? 師傅自己都不得而知, 既然機會難逢, 咁就即刻柯打野食! 師傅今次大貪d, 整個雙拼啦, 就要雲吞鮮牛肉麵!
等左一陣雲吞鮮牛肉麵就登場, 師傅一如以往就係先試下個湯底, 湯底味道一般, 並不太特別; 再望下雲吞得兩大粒, 鮮牛肉有五至六片; 先講下雲吞, 雲吞真係幾鬼大粒, 而雲吞皮又滑又薄, 內裡嘅餡料就真係好多蝦同埋冇肥豬肉, 加上蝦身幾爽口同幾鮮, 真係不錯, 如果能再多幾粒就更好; 而牛肉就鬆身, 味道都可以, 冇咩特別; 至於個麵係生麵, 麵身爽口, 口感真係一流, 加上冇鹼水味, 得喎; 師傅是次係刻意叫麵而唔叫並其他, 幸好冇失望而回; 而呢度嘅辣椒油就夠辣, 不過唔香! 食到咁上下, 師傅終於按奈不住, 柯打左一支可口可樂, 大啖喝下去感覺真係大快人心, 非常舒暢, 師傅亦不得不哼一句"永遠係.............................."!
總括黎講食物質素頗佳, 環境同服務就真係好一般, 但勝在抵食, 十二蚊單拼, 十六蚊雙拼, 廿二蚊三拼, 加多一支汽水都係六蚊, 埋單廿二! 估唔到師傅人生第一次沾仔記就有個幾好嘅回憶, 呢間食店同師傅幾粒鐘前嘅真係差好遠, 有機會都會再黎, 笑臉當然比得過啦!
張貼
