楓．新日本料理 (已易手) 新餐廳

試新嘢！咁大個女第一次食「廚師發板」。嘩！這位廚師真係唔話得，一黎就三式前菜，不是求其一款漬物，當中我最喜歡那溫泉蛋和茄子。廚師用料細心，連溫泉蛋上都選用沙甸魚魚苗！然後來幾道冷盤，第一道係匈牙利豬肝配三文魚魚子豬肝的味道沒有鵝肝咁重，而那魚子亦不是好喊，兩樣夾埋，好襯，好特別。跟住就長崎珍珠冷凍蠔，廚師唔講我以為係新鮮蠔，而且仲好肥美（你睇殻有幾大，肉就幾大）。最後冷盤就係刺身啦！！！那甜蝦大大隻，又鮮甜，連我唔好蝦的朋友都大讚！我就鍾意爽口煙靱嘢，所以我最喜歡象拔蚌和北寄貝。之後廚師燒了一條鯛魚給我們，那條是金鯛！一面用赤麵豉燒，另一面原味。好甜，肉質嫩滑。兩面都咁好味！赤麵豉好夾呢！中間來碗魚湯，只順用魚餚，只有好濃的魚味。一客清甜蒸蛋，與平時坊間食好唔同，清好多，可能因為他們調味不多，簡單地用了三葉芹和鮮百合，味道係清甜。清一清後，繼續來很大很大塊的黑毛豬排，吉烈炸，肉質真係超嫩，好鬆，唔油膩，但絕不是乾！最後是相當有睇頭的麵包蟹烏冬，廚師叫我們如果飽食烏冬可以了，因為已經吸晒味，但我們什麼都無放過，蟹肉仍很甜，啖湯更無得頂！👍