Pizza Maru (已結業)

去親銅鑼灣希慎food court,都見到超多人食呢款炸雞，今日終於同好友一齊試到, 結果不外如事......Pizza Mura 蒜香甜辣炸雞($89) 其實以韓國炸雞黎講又唔算貴，入面都有六大舊左右，但最大味道係同我想象中有d出入，佢D汁令到成件事似係糖醋雞件多過炸雞...... 呢個炸雞只可以用不倫不類黎形容。海鮮鍋飯($68)完全中伏!!!! 當我摸到個鍋係凍既已經心知不妙，入面所有食物只可以用暖暖地黎形容，絶對稱唔上係熱，而個青口同大蝦係凍既，果兩條菜完全似係用油水浸完，成個飯慘不忍睹，但都要68蚊，早知食pepper lunch,起碼新鮮滾熱辣。p.s. 加$8 只有一杯少得可憐既飲品。