影片
更多
2023-04-06
600 瀏覽
餐廳晚市分咗兩個時段用餐， 六點同八點，我哋book咗平日8:00 ，嚟到嘅時候都係要等位🙈今日六點嘅人未走晒。建議早一至兩個禮拜book，如果唔係有機會full晒!!一坐低，除咗問要咩茶之外，都會即刻擺低兩款自家小食：琥珀合桃、梅苦瓜，琥珀合桃甜甜地，仲有少少焦糖味，好似食緊合桃版嘅爆谷😂話梅苦瓜就清爽開胃⭐️勾魂叉燒 $188呢個叉燒係餐廳嘅名菜，甚至叫自己做第一叉燒，而在場基本上每枱都有叫！有別於普通嘅叉燒，呢度叉燒係勁厚切！份量十足，個擺盤好有氣勢😄嚟到嘅時候再係你面前用火槍燒，仲要有視覺享受！🔥味道方面，外皮焦香，製造窿邊叉燒嘅效果，肉腍又juicy，有豐盈油脂，半肥瘦叉燒抹上秘制陳皮醬，甜味適中，有減膩作用。另外仲有脆米伴碟，可以癡喺面咁樣一齊食，口感更佳！估唔到普通一碟叉燒俾佢發揮到咁淋漓盡致。⭐️蜜礬牛柳粒 $198牛柳都幾大粒，但係絕對唔會靭，餐廳採用美國安格斯牛肉， 所以食落鬆軟。薯仔炸得啱啱好，被醬汁包住外層，而唔會令到佢冧咗。⭐️香濃腐乳炒蝦球伴西蘭 $188蝦醬炒蝦球食得多，腐乳炒蝦球第一次食🤣其實都幾夾！呢度採用左廖孖記嘅腐乳，鹹度恰到好處。蝦球好大粒，過一過油令
餐廳晚市分咗兩個時段用餐， 六點同八點，我哋book咗平日8:00 ，嚟到嘅時候都係要等位🙈今日六點嘅人未走晒。建議早一至兩個禮拜book，如果唔係有機會full晒!!
一坐低，除咗問要咩茶之外，都會即刻擺低兩款自家小食：琥珀合桃、梅苦瓜，琥珀合桃甜甜地，仲有少少焦糖味，好似食緊合桃版嘅爆谷😂話梅苦瓜就清爽開胃
⭐️勾魂叉燒 $188
呢個叉燒係餐廳嘅名菜，甚至叫自己做第一叉燒，而在場基本上每枱都有叫！有別於普通嘅叉燒，呢度叉燒係勁厚切！份量十足，個擺盤好有氣勢😄嚟到嘅時候再係你面前用火槍燒，仲要有視覺享受！🔥味道方面，外皮焦香，製造窿邊叉燒嘅效果，肉腍又juicy，有豐盈油脂，半肥瘦叉燒抹上秘制陳皮醬，甜味適中，有減膩作用。另外仲有脆米伴碟，可以癡喺面咁樣一齊食，口感更佳！估唔到普通一碟叉燒俾佢發揮到咁淋漓盡致。
⭐️蜜礬牛柳粒 $198
牛柳都幾大粒，但係絕對唔會靭，餐廳採用美國安格斯牛肉， 所以食落鬆軟。薯仔炸得啱啱好，被醬汁包住外層，而唔會令到佢冧咗。
⭐️香濃腐乳炒蝦球伴西蘭 $188
蝦醬炒蝦球食得多，腐乳炒蝦球第一次食🤣其實都幾夾！呢度採用左廖孖記嘅腐乳，鹹度恰到好處。蝦球好大粒，過一過油令蝦球更加爽口彈牙。西蘭花🥦爽脆清甜，炒得有火喉的！
⭐️啫啫生菜煲🥬 $138
上菜嘅時候，仲係jer jer 聲，夠晒熱辣辣。唐生菜大大顆。先用左蔥、蒜、椒、蝦醬爆香，再加入生菜兜炒，好惹味！
⭐️砂煲蝦頭膏炒飯 $188
呢個炒飯，低調得來又好有實力！炒飯，最重要吵到粒粒分明，有鑊氣，呢度都做得到之餘，仲要加入咗蝦頭膏嘅香，令成碟炒飯昇華咗，蝦肉爽口彈牙，加埋葱粒一齊拌勻，好食到停唔到口，我自己一個人都兩碗😂
整體環境都寬敞，枱同枱之間都有一定距離，雖然人好多，但店員都有禮，上菜速度都快👍👍勁推介！
張貼
