正九清湯腩 (常安樓)

營業中

休息中

今日去咗油麻地地鐵站C出口一出就見到嘅正九清湯牛腩叫咗清湯牛三寶河（牛腩/牛筋/牛肚）64蚊，牛腩升咗級做崩沙腩加8蚊，再加8蚊跟餐叫咗杯凍菜蜜。老公叫咗個咖喱牛腩飯62蚊，同埋炸排骨$33，仲有腐乳通菜$19。牛三寶份量非常足料，清湯味道非常夠，崩沙腩入口即化，牛筋爽口，菜蜜味道剛好，唔會太多冰。咖喱牛腩味道香濃，牛腩軟嫩，份量足料炸排骨淡淡肉，軟嫩無比，份量多腐乳通菜腐乳量非常足，通菜新鮮爽脆，非常滿足的一餐。