影片
更多
2019-06-09
61 瀏覽
早幾日係元朗剪完頭髮 同男朋友係附近搵食因為想食西餐 見到呢間salamat睇落幾cozy就入去店員招呼幾熱情 一入去就介紹佢地既menu我地叫左個2人餐 $368 有一個starter 兩個main course 餐湯餐包餐飲我地既starter揀左煙三文魚凱撒沙律一擺低我哋都覺得好驚訝初頭以為呢個價位既餐廳多數都係平民feel但佢好有喺高級西餐廳食嘢嘅感覺擺盤勁靚所有顏色好均勻其中一個main course我哋揀咗煎帶子焗蟹蓋芥末忌廉意大利粉因為加咗芥辣所以個意粉完全唔漏值得一提嘅係兩粒帶子煎得啱啱好之後就到今晚嘅重點啦我諗我食咗今年來我覺得最好味嘅煎魚比目魚配青醬同莎莎醬首先個魚煎得啱啱好Skin side down所以個皮好脆條魚極新鮮 加埋pesto同salsa成件事好清新佢上面仲有細細份既薯蓉個人口味好食到我即時讚咗個侍應☺️下次再嚟食都一定會叫呢個dish另一個小驚喜係佢嘅drink menu竟然有泰式奶茶仲要都幾正宗估唔到喺度搵返泰國嘅味道食完之後我哋仲坐喺度傾左陣計發覺間餐廳都幾好坐而且仲一直播住coldplay既歌最後埋單食咗$420左右計埋加一以佢食物嘅擺盤同埋新鮮
因為想食西餐 見到呢間salamat睇落幾cozy
就入去
店員招呼幾熱情 一入去就介紹佢地既menu
我地叫左個2人餐 $368
有一個starter 兩個main course 餐湯餐包餐飲
我地既starter揀左
煙三文魚凱撒沙律
一擺低我哋都覺得好驚訝
初頭以為呢個價位既餐廳多數都係平民feel
但佢好有喺高級西餐廳食嘢嘅感覺
擺盤勁靚所有顏色好均勻
其中一個main course我哋揀咗
煎帶子焗蟹蓋芥末忌廉意大利粉
因為加咗芥辣所以個意粉完全唔漏
值得一提嘅係兩粒帶子煎得啱啱好
之後就到今晚嘅重點啦
我諗我食咗今年來我覺得最好味嘅煎魚
比目魚配青醬同莎莎醬
首先個魚煎得啱啱好
Skin side down所以個皮好脆
條魚極新鮮 加埋pesto同salsa
成件事好清新
佢上面仲有細細份既薯蓉
個人口味好食到我即時讚咗個侍應☺️
下次再嚟食都一定會叫呢個dish
另一個小驚喜係
佢嘅drink menu竟然有泰式奶茶
仲要都幾正宗
估唔到喺度搵返泰國嘅味道
食完之後我哋仲坐喺度傾左陣計
發覺間餐廳都幾好坐
而且仲一直播住coldplay既歌
最後埋單食咗$420左右計埋加一
以佢食物嘅擺盤同埋新鮮度
我認為絕對性價比係超級高
張貼
