影片
更多
2024-06-13
3050 瀏覽
🥢旺角 今期流行 ‼️ 連Avantgardey 都去的超正麻辣雞煲招牌沙嗲濃湯 任食手切牛肉火鍋店 🥢最近去了位於旺角的一間火鍋店，之前一直已經好想去，因為主打招牌麻辣雞煲 ,沙嗲湯底，仲有超瘋狂嘅任食手切本地牛肉，最近見到爆紅女子舞團 ,跳今期流行嘅 avantgardey 都去咗打卡跳舞，就知道係幾咁有人氣，裝修風格用上香港復古風，最欣賞就係有整排火水爐同埋夜總會disco 打卡位，好有舊時香港風情，啱曬同班朋友去打卡🥢CEO 套餐$398 / 位 (120 分鐘）非常推介食呢個餐因為可以任食4款手切牛肉部位，同一款西班牙黑毛豬，平時出面食一碟都唔平，真係可以瘋任食係幸福嘅🥢前菜 共有三款，包括椒鹽燒賣，脆皮午餐肉，鹽酥雞， 全部即炸脆卜卜的，最鐘意係脆皮午餐肉，厚切又夠脆，就咁食又得，浸落雞煲到會變成內脆外軟非常正🥢招牌麻辣雞煲麻辣雞煲雞非常滑又夠真材實料啖啖肉，麻辣雞汁味道夠香夠麻辣，味道係自家調製味過，味道幾有獨特風味而且好濃，最鐘意入面事先已加入索湯豬皮，爽彈新鮮豬肚，豬大腸，一滾起就食得🥢鍋底六選一今日揀了招牌沙嗲湯，真係超級正，完全係我心目中要嘅嘢，夠曬香濃夠曬香，用
🥢最近去了位於旺角的一間火鍋店，之前一直已經好想去，因為主打招牌麻辣雞煲 ,沙嗲湯底，仲有超瘋狂嘅任食手切本地牛肉，最近見到爆紅女子舞團 ,跳今期流行嘅 avantgardey 都去咗打卡跳舞，就知道係幾咁有人氣，裝修風格用上香港復古風，最欣賞就係有整排火水爐同埋夜總會disco 打卡位，好有舊時香港風情，啱曬同班朋友去打卡
🥢CEO 套餐$398 / 位 (120 分鐘）
非常推介食呢個餐因為可以任食4款手切牛肉部位，同一款西班牙黑毛豬，平時出面食一碟都唔平，真係可以瘋任食係幸福嘅
🥢前菜
共有三款，包括椒鹽燒賣，脆皮午餐肉，鹽酥雞， 全部即炸脆卜卜的，最鐘意係脆皮午餐肉，厚切又夠脆，就咁食又得，浸落雞煲到會變成內脆外軟非常正
🥢招牌麻辣雞煲
麻辣雞煲雞非常滑又夠真材實料啖啖肉，麻辣雞汁味道夠香夠麻辣，味道係自家調製味過，味道幾有獨特風味而且好濃，最鐘意入面事先已加入索湯豬皮，爽彈新鮮豬肚，豬大腸，一滾起就食得
🥢鍋底六選一
今日揀了招牌沙嗲湯，真係超級正，完全係我心目中要嘅嘢，夠曬香濃夠曬香，用來烚牛肉係完美絕配感，最尾一定要加個公仔麵，食落好似沾麵咁正，連湯都想飲曬佢
👉🏻 招牌濃郁沙嗲湯鍋
👉🏻 特濃皮蛋芫茜湯鍋
👉🏻 胡椒豬肚湯
👉🏻 麻辣蕃茄湯鍋
👉🏻 麻辣鴨血湯鍋
👉🏻 養生野菌湯鍋
🥢任食手切牛肉
驚喜的牛肉質素同平時出面散叫一樣，每碟牛都係即點即切，食落好有牛肉香，最鐘意嘅係一定要食極上小牛排，油花平均甘香，入口牛肉味香濃又軟熟，同沙嗲湯底非常夾
👉🏻手切安格斯三角牛肩肉
👉🏻手切殼飼牛板腱
👉🏻手切極上小牛排
👉🏻手切極品封門柳
👉🏻西班牙黑毛豬
🥢超特價海鮮+$68
今日追加了海虎蝦及北海道帆立貝，海虎蝦大大隻蝦味特濃而且蝦肉爽彈，帆立貝鮮甜美味
🥢另外仲有多款火鍋配料俾你打邊爐，推薦紫菜響鈴，浸一下就食得吸晒啲沙嗲汁，水魷魚，變咗超惹味沙嗲魷魚，手包雲吞，係店家每日即包，皮薄夠滑餡夠新鮮，最後一定要加個公仔麵，吸晒所有湯底精華，自製一個新鮮沙牛麵
🥢飲品
雪櫃入面有多款汽水，同特式飲品梳打，另外如果鐘意飲酒可以+$68/ 位 , 任飲威士忌梳打，幾款果味燒酎梳打，Mojito, 生啤，同朋友可以飲到爽
🥢甜品
估唔到我沉醉緊呢一個沙嗲湯底嘅時候，店員話仲有甜品一定要試吓，喺自家製嘅仙草芋圓，就算有幾飽都要試，芋圓好有彈性，店家仲要自己整仙草，口感滑到癲，無落甜味，甜味來自紅豆的甜，仲有蒟蒻增加口感
🥢非常欣賞呢間火鍋店，由裝修門面嘅香港風，到菜品設計，前菜，火鍋湯底及火鍋配料都好用心去做，連甜品都係自家製作，每樣都會食得出店家嘅心思，每樣都非常出色美味，完全係平時出面散叫嘅火鍋味道，一個價錢就已經食到咁高質嘅雞煲火鍋，平時出面叫一碟牛已經幾幾百蚊，所以呢到真心好抵食好食，難怪可以吸引到日本舞團 Avantgardey 來食飯打卡，第時可以有多一個地方可以帶外地朋友嚟呢到打邊爐了
📍 火水爐冰室火鍋
旺角煙廠街33號朗廷軒1樓
張貼
