影片
更多
2014-11-15
773 瀏覽
大約半年前第一次試過之後, 今日再去, 感覺上差咗DD, 但依然值得去食~ 今次依然encore個羊西冷, 因為老公超鍾意食, 而且唔係咁多地方有得食, 另外, 再叫個精選牛柳, 老公話想試下佢d意粉, 於是佢一個意粉, 我一個薯菜, 因為我驚食唔哂, 點知叫完後, 老公無啦啦又睇返個menu, 先發現原來個意粉要加成十蚊咁多, 個侍應可能係新, 冇提一提, 不過既然叫咗, 就算數, 可能十蚊係抵食呢~ 餐包+紅/白湯 餐包上次講過, 係生命麵包, 今次冇咁香牛油味, 差咗少少 紅湯有好多料, 又唔會太辣 白湯就淡咗d, 茶餐廳果d好飲過佢 羊西冷配意粉羊西冷依舊叫7成熟, 但今次要蒜茸汁, 同埋配意粉~ 今次舊羊西冷比較多筋, 雖然d筋都唔係好un, 都可以咬到, 但始終啖啖肉比較好, 感覺上又抵食d, 至於個蒜茸汁, 蒜茸多過汁, 啱哂我老公 價值十蚊的意粉, 都算值得, 起碼唔係林pet pet果d, 係西餐廳應該食到果d質地, 軟硬適中, 再加埋超多蒜茸去撈, 勁~ 精選牛柳配薯菜佢有分牛柳同精選牛柳, 應該係靚D同冇咁靚的分別, 今次試下佢個精選, 睇
今次依然encore個羊西冷, 因為老公超鍾意食, 而且唔係咁多地方有得食, 另外, 再叫個精選牛柳, 老公話想試下佢d意粉, 於是佢一個意粉, 我一個薯菜, 因為我驚食唔哂, 點知叫完後, 老公無啦啦又睇返個menu, 先發現原來個意粉要加成十蚊咁多, 個侍應可能係新, 冇提一提, 不過既然叫咗, 就算數, 可能十蚊係抵食呢~
餐包+紅/白湯
餐包上次講過, 係生命麵包, 今次冇咁香牛油味, 差咗少少紅湯有好多料, 又唔會太辣
白湯就淡咗d, 茶餐廳果d好飲過佢
羊西冷配意粉
羊西冷依舊叫7成熟, 但今次要蒜茸汁, 同埋配意粉~今次舊羊西冷比較多筋, 雖然d筋都唔係好un, 都可以咬到, 但始終啖啖肉比較好, 感覺上又抵食d, 至於個蒜茸汁, 蒜茸多過汁, 啱哂我老公
價值十蚊的意粉, 都算值得, 起碼唔係林pet pet果d, 係西餐廳應該食到果d質地, 軟硬適中, 再加埋超多蒜茸去撈, 勁~
精選牛柳配薯菜
佢有分牛柳同精選牛柳, 應該係靚D同冇咁靚的分別, 今次試下佢個精選, 睇下有幾靚? 佢比普通果只貴幾十蚊架~個牛柳又係叫七成熟同埋蒜茸汁, 但其實佢冇7成, 我諗大約5-6成左右, 因為果度環境暗, 唔係好睇得到, 但佢應該未至於生到有血果隻, 所以我都係切開咗, 再响鐵版上煎一煎先, 咁就去到我要求的7成熟~ 個牛柳係生咗少少, 但好有肉味, 同埋夠林, 唔錯~
薯條熱辣辣, 超正, 但非常熱氣, 除咗薯條, 仲有牛油粟米粒同一兩粒車厘茄+西蘭花
凍檸茶
茶味唔夠濃, 檸味又唔夠熱檸水
成壼仔上, 夠沖兩杯半左右啦~ 所以要慳D檸檬, 每次督爛少少, 如果唔係比你夠沖3杯都冇用, 都係用熱水~
朱古力雪糕
今次只得雲呢拿同朱古力選擇, 我地諗都唔駛諗, 同一時間話要朱古力, 果然冇令我地失望, 朱古力味超濃, 有平時食開75%果D朱古力咁濃味, 而且又唔太味, 好好食~
張貼
