然後同一個煲可以加返雞湯就開始打邊爐啦，今次試吓其他款嘅打邊爐料先：
「餃餃陣」 $88
有四款餃子：有魚皮餃、韭菜餃、鮮蝦雲吞、麻辣餃子。全部都好新鮮，最起碼個魚皮餃唔會有「益」味，因為有時自己喺超市買都會買到啲有雪味嘅魚皮餃。而且，食得出麻辣餃子、鮮蝦雲吞，同埋韭菜餃，都係食得出係自家製。
炸芝士響鈴（三隻） $43
雖然好似貴咗少少，但係係非常值得試嘅，因為呢個配搭我從來冇喺其他間打邊爐店食過，係第一次喺呢度食。個炸響鈴，除咗係新鮮炸蜆，超級鬆脆之外，再加少少溶咗嘅芝士喺面，一啲都唔膩口。
珊瑚蚌 $125
新鮮，依舊的爽脆，係一個打邊爐要好快熟嘅好選擇。
紅薯粉$32、雜菜籃 $70、龍鳳檸樂$34杯、烏梅汁$38
紅薯粉好滑；雜菜籃有三款菜：唐生菜、小白菜、菜心，全部都好新鮮、翠綠；龍鳳檸樂係由新鮮檸檬同老鹹檸兩溝嘅可樂，真係好飲過一般新鮮檸樂；烏梅汁夠下火，唔酸又唔太甜。
以呢間火鍋店座無虛席嘅情況計，服務員嘅服務速度同態度都真係好令人滿意，起碼你叫佢加湯佢係會即刻過嚟幫你加，你清完一碟嘢，佢都會好快幫你收走個吉碟。個醬油區係自助嘅，睇得出啲蔥、生蒜、紅辣椒、芫荽都係好新鮮切嘅配料。
3
