棋哥燒鵝 (已結業)

今日同朋友二人係尖沙咀美麗華行街，行到咁上下見有啲肚餓，一出去就見到棋哥個招牌！其實之前已經係天后食過一次，確實令人回味！我同朋友分別單點咗燒鵝瀨粉及 雙併飯(燒肉及叉燒)燒鵝瀨粉點餐果陣我叫咗走胸，結果最後係脾位呢！好開心佢塊皮有少少炭燒既味道，一咬落去D油脂味滲哂出黎！另外加埋佢既調味醬，真係好惹味！！鵝既肉質又唔鞋口，唔會痴牙。抵讚！而瀨粉恰到好處，唔會太淋太硬，好彈牙！另外朋友點咗燒肉及叉燒雙併飯，見到叉燒半肥瘦，燒肉食落去，chok chok 聲，皮脆！如果下次黎到尖沙咀唔知食咩，推薦棋哥！