影片
更多
2014-02-07
5702 瀏覽
第1次去呢度食buffet同老公慶祝生日，食完我同老公都講得失望。首先，我地早1日打電話訂枱，電話一直冇人聽, 於是我去酒店既reservation page留資料訂枱，個幾鐘後有個女士覆我訂枱confirm左。到左食飯o個晚去拎位，個reception同事一路揾都揾唔到我資料, 係咁問我留咩名訂枱, 訂全自助定半自助, 最後佢都係揾唔到我個booking, 攪到我好似白撞咁。入到去, 餐廳樓底好低, 好有壓迫感, 燈光好暗。侍應安排我地坐o係離食物好遠既座位, 但其實間餐廳未full (我地全晚觀察), 感覺有點被放逐。講番最重要既食物，可以講佢地放食物既地方都好少，食物種類唔算多，最重要係睇晒全場食物，我諗唔到點解個buffet值$488一個人。成個場buffet有冷盤(有刺身、蟹鉗、青口，但係冇生蠔)、壽司(只有幾款)、熱盤10款以內但菜式唔吸引(見唔到有蒸魚、咖哩得1款， 最好味算係鐵板牛柳), 同埋俾我見到用電飯煲裝住1煲白飯，坦白講當時O咀了。全場比較好食既應該係烚海鮮(螺、賴尿蝦等)，老公食左2 round，佢話係成晚最值得encore既食物。至於我最鍾意既甜品.....
首先，我地早1日打電話訂枱，電話一直冇人聽, 於是我去酒店既reservation page留資料訂枱，個幾鐘後有個女士覆我訂枱confirm左。到左食飯o個晚去拎位，個reception同事一路揾都揾唔到我資料, 係咁問我留咩名訂枱, 訂全自助定半自助, 最後佢都係揾唔到我個booking, 攪到我好似白撞咁。
入到去, 餐廳樓底好低, 好有壓迫感, 燈光好暗。侍應安排我地坐o係離食物好遠既座位, 但其實間餐廳未full (我地全晚觀察), 感覺有點被放逐。
講番最重要既食物，可以講佢地放食物既地方都好少，食物種類唔算多，最重要係睇晒全場食物，我諗唔到點解個buffet值$488一個人。
成個場buffet有冷盤(有刺身、蟹鉗、青口，但係冇生蠔)、壽司(只有幾款)、熱盤10款以內但菜式唔吸引(見唔到有蒸魚、咖哩得1款， 最好味算係鐵板牛柳), 同埋俾我見到用電飯煲裝住1煲白飯，坦白講當時O咀了。
全場比較好食既應該係烚海鮮(螺、賴尿蝦等)，老公食左2 round，佢話係成晚最值得encore既食物。
至於我最鍾意既甜品......佢係有, 但真係好普通，有macaron但只有2款，好快冇晒。雜果涼粉、幾款cake、葡tat、frozen yoghurt、雪糕、豆腐花，呢d對我呢個buffet 甜品精黎講係失望。
是晚buffet有每人送一客鵝肝同埋一杯飲品，但我唔like鵝肝，所以呢度冇分加。
另外因為我地坐得太偏僻，侍應唔係成日黎收碟。
是晚埋單：$488x 2 ，另加10% service charge，阿囡未夠3歲唔駛收錢。
如果呢晚buffet係$3xx 一個人，我諗我會冇咁失望。
不過真係冇下次。
張貼