百味車仔麵 (已結業)

經過旺角，諗住搵間餐廳求求其其快快脆食個午餐，入左呢間車仔面。餐廳嘅牆畫係帶有啲懷舊香港嘅畫風。有一邊牆寫住12大推介。呢間車仔面普遍嚟講都唔算平，叫個3餸面就已經42蚊了。餸菜同面底選擇都算幾多。老公叫左豬大腸，牛腩，蟹籽丸配油面加腩汁。豬大腸好多肥膏，咬落口一口油膩感覺; 牛腩冇嘜味，而且又鞋口; 蟹籽丸自然係唔會有咩特別。我叫左豬軟骨，海鮮卷配薯粉加腩汁。 豬軟骨亦都係比較多肥膏；可能海鮮卷炸過關係，整到成碗湯都好多油。我地2個明明加腩汁，湯望落仲係好淺色，食落去好淡口，冇咩味。