影片
更多
2018-07-01
64 瀏覽
一直都比較少於長沙灣覓食，但在網上找尋葡萄牙及西班牙菜時這間餐廳就深深吸引了我，所以今日就帶咗個朋友黎一嚐美食首先餐廳的位置是比較隱匿，而且門面不算醒目，令餐廳更加有一種隱世小店嘅感覺，入餐廳後覺得裝潢不華麗但雅緻，令人非常舒適。而餐牌嘅選擇都不少，同行朋友話未食過馬介休，所以首選我哋就揀咗一客馬介休球 $88, 而另一樣必叫的當然有葡萄牙烤乳豬 $178, 而其他食物我哋就叫咗蒜香炒澳洲牛肉粒 $98同 白酒煮鮮蜆意粉$128。係點菜嘅途中，餐廳嘅負責人好用心地向我哋介紹菜色，而且點菜後都有係等待食物嘅過程中同我哋閒談，除咗閒話家常都有講吓自己開依間餐廳嘅原因，談話中更加感受到負責人對餐廳食物嘅熱情，令到我哋對食物更加期待之餘，仲增添咗好多親切感。第一樣上嘅菜係蒜香澳洲牛肉粒，首先牛肉唔肥，但佢嘅肉質好軟，沒有太多醬汁但更加令到牛肉味突出不錯之後上嘅係馬介休球，一上枱個陣咸魚香味就湧晒出黎，非常好味，而且馬介休球炸得金黃，入面嘅口感好柔和，令到我個位未食過馬介休嘅朋友都眼前一亮之後期待已久嘅烤乳豬終於出場了首先乳豬皮已經拎滿分，非常脆又唔乾，而肉質肥肉少，但非常軟而且烤得骨肉分離，非
首先餐廳的位置是比較隱匿，而且門面不算醒目，令餐廳更加有一種隱世小店嘅感覺，入餐廳後覺得裝潢不華麗但雅緻，令人非常舒適。
而餐牌嘅選擇都不少，同行朋友話未食過馬介休，所以首選我哋就揀咗一客馬介休球 $88, 而另一樣必叫的當然有葡萄牙烤乳豬 $178, 而其他食物我哋就叫咗蒜香炒澳洲牛肉粒 $98同 白酒煮鮮蜆意粉$128。
係點菜嘅途中，餐廳嘅負責人好用心地向我哋介紹菜色，而且點菜後都有係等待食物嘅過程中同我哋閒談，除咗閒話家常都有講吓自己開依間餐廳嘅原因，談話中更加感受到負責人對餐廳食物嘅熱情，令到我哋對食物更加期待之餘，仲增添咗好多親切感。
第一樣上嘅菜係蒜香澳洲牛肉粒，首先牛肉唔肥，但佢嘅肉質好軟，沒有太多醬汁但更加令到牛肉味突出不錯
之後上嘅係馬介休球，一上枱個陣咸魚香味就湧晒出黎，非常好味，而且馬介休球炸得金黃，入面嘅口感好柔和，令到我個位未食過馬介休嘅朋友都眼前一亮
之後期待已久嘅烤乳豬終於出場了首先乳豬皮已經拎滿分，非常脆又唔乾，而肉質肥肉少，但非常軟而且烤得骨肉分離，非常好味。而通常葡萄牙菜都偏咸，但這家烤乳豬就恰到好處，唔配汁都一樣好味。而且個飯嘅軟硬度亦都恰到好處，同乳豬好夾。
最後上嘅白酒煮蜆意粉，一樣無令我失望，蜆肉果然好新鮮，仲好多汁而且意粉嘅熟度又係我嘅喜歡嘅軟硬度，有好濃嘅鮮味同白酒甜味，好滿意啊
最後忍唔住叫多兩樣$42嘅甜品，都好好味，但我更喜愛這個伯爵奶凍，一黎唔會太甜，二黎茶味好濃，又滑
食完我就更肯定自己會再幫襯佢，因為真係好好味，而且人均只需$316，希望仲有機會再黎試一試佢其他菜式。
張貼
