茜廊餐廳 (樂富廣場)

營業中

休息中

今日諗住去行山，所以上山之前去食個早餐，因為人生地不熟，所以求其搵間餐廳就入去食了，點知竟然有驚喜😻。今日就叫左個香草腸羅宋湯煙斗粉配牛奶炒蛋同多士（$38）牛奶炒蛋食入口非常嫩滑，重牛奶味🥛，一D都唔馬虎。最令我驚喜係，除左牛油外，餐廳竟然提供埋士多啤梨醬🍓俾你塗多士，真係唔係每間餐廳都做到，十分貼心❤️。香草腸羅宋湯煙斗粉煙斗粉平時比較陌生，但食入口又幾好食😋，呢種粉好索湯汁，令你每一啖粉都有濃濃羅宋湯味，而且煙煙韌韌，幾得意。最重點係呢個餐廳既羅宋湯十分好飲👍，濃郁得黎，仲有少少辣辣地🌶，岩晒鐘意食辣既我，仲要有好多配料，例如洋蔥🧅，青椒🫑同蔬菜🥬等，十分有誠意，如果我下次再黎樂富食早餐，一定會encore呢間餐廳😍。