影片
更多
2009-06-15
8 瀏覽
幾碟點心怎能滿足我，步出綜合大樓，即拿著地圖，尋找下一站的踪影…鄉事會路，咦！就在不遠處吧…果然不難找…櫥窗放著最愛的蛋撻、椰撻、蛋卷…還有傳說中的三角批，隨即推門入內…還是一般餐廳的格局，旁邊放卡位，中間放圓桌，一位笑容可掬的侍應走過來…「想食啲咩呀？」「你哋呢度係咪有隻三角批架？」「係呀，有雞批同蘋果批兩款…你想要邊款？」舉起兩隻手指…「兩樣都要！」可是…「小姐，我哋暫時得蘋果批，雞批要等半個鐘喎…」「唔緊要，我等呀！你俾住蘋果批我先啦！我嚟就係想試呢個架咋…」侍應隨即切了一角蘋果批給我「嗱…你食住蘋果批先啦，等陣有雞批，我再拎俾你…」「哦…唔該」好有禮貌啊！M記蘋果批倒吃不少，茶餐廳的卻是第一次吃，撻皮鬆化，餡料豐富，每一口都吃得到酸酸的果肉，而且是熱呼呼的，大概是出爐不久…M記的還可叫作蘋果批，真是靠邊站好了…如此佳作，不消一會已被吞掉，為了等待下一個驚喜，也為了容易消磨時間，做了些平日鮮有所為的事 -- 拿手機來打機…不知道這一舉動是否奇怪了點，一位女士走前來…「呢位小姐，係咪仲有嘢未到齊呢？」同樣親切友善，似是老闆娘…「嗯…我等雞批呀，三角形果款呢…我睇食評網，話呢度啲三角
鄉事會路，咦！就在不遠處吧…果然不難找…
櫥窗放著最愛的蛋撻、椰撻、蛋卷…還有傳說中的三角批，隨即推門入內…
還是一般餐廳的格局，旁邊放卡位，中間放圓桌，一位笑容可掬的侍應走過來…
「想食啲咩呀？」「你哋呢度係咪有隻三角批架？」「係呀，有雞批同蘋果批兩款…你想要邊款？」舉起兩隻手指…「兩樣都要！」
可是…
「小姐，我哋暫時得蘋果批，雞批要等半個鐘喎…」「唔緊要，我等呀！你俾住蘋果批我先啦！我嚟就係想試呢個架咋…」
侍應隨即切了一角蘋果批給我「嗱…你食住蘋果批先啦，等陣有雞批，我再拎俾你…」「哦…唔該」好有禮貌啊！
M記蘋果批倒吃不少，茶餐廳的卻是第一次吃，撻皮鬆化，餡料豐富，每一口都吃得到酸酸的果肉，而且是熱呼呼的，大概是出爐不久…M記的還可叫作蘋果批，真是靠邊站好了…
如此佳作，不消一會已被吞掉，為了等待下一個驚喜，也為了容易消磨時間，做了些平日鮮有所為的事 -- 拿手機來打機…
不知道這一舉動是否奇怪了點，一位女士走前來…
「呢位小姐，係咪仲有嘢未到齊呢？」同樣親切友善，似是老闆娘…
「嗯…我等雞批呀，三角形果款呢…我睇食評網，話呢度啲三角批好好食，所以我咪嚟囉…」「哦…好呀！多謝哂喎…」
篤篤篤篤篤…畢竟打機不是我的嗜好，也難用來消磨時間，結果，卻無端端整理起通訊錄來…重新命名、群組…
廚房有人捧出黑色鐵盤，枱頭一望，啊呀！大小批都在其中，像一家人般齊全，然而…
「唔好意思呀！不如你食住個細批先啦，大批唔切得住…」侍應道…
「哦…點解嘅？」咀兒往上微翹…
「太熱啦，就咁切會塌餅，到時就成個都唔要得架啦…」老闆娘出馬…
唉…算吧…
看著這批，小批雖小，畢竟是新鮮出爐，燙口的餡料還是十分吸引…
走了，要埋單…
「其實，大批小批用料都係一樣架咋，一樣咁好味…」「都係嘅，但老遠出到嚟，都好想試吓三角批係咩一回事…」「你好遠嚟架？」「天水圍…」「嘩！都幾遠吓喎！唔緊要啦！下次約埋幾個friends一齊嚟食，叫一個批，好似pizza咁…」「好呀…」
雖然吃不到三角雞批，但如此有禮，也沒多介意了…
張貼
